സിപിഐ ഓഫീസ് ചുവരില് കാനം രാജേന്ദ്രനെതിരെ പോസ്റ്റര്
Synopsis
കൊച്ചിയില് സിപിഐ മാര്ച്ചിനിടെയുണ്ടായ സംഘര്ഷത്തില് പാര്ട്ടി എംഎല്എയ്ക്കും നേതാക്കള്ക്കും പൊലീസ് മര്ദ്ദനമേറ്റ സംഭവത്തില് കാനം രാജേന്ദ്രന് സ്വീകരിച്ച നിലപാട് പാര്ട്ടിക്കുള്ളില് അഭിപ്രായവ്യത്യാസങ്ങള്ക്ക് കാരണമായിരുന്നു
ആലപ്പുഴ: സിപിഐ സംസ്ഥാന സെക്രട്ടറി കാനം രാജേന്ദ്രനെതിരെ ആലപ്പുഴയില് പോസ്റ്റര് പതിച്ചു. പാര്ട്ടി ജില്ലാക്കമ്മിറ്റി ഓഫീസിന്റെ ചുവരിലാണ് പോസ്റ്റര് പതിച്ചിരിക്കുന്നത്.
'കാനത്തെ മാറ്റൂ സിപിഐയെ രക്ഷിക്കൂ' എന്നാണ് പോസ്റ്ററില് പറയുന്നത്. എല്ദോ എബ്രഹാം എംഎല്എയ്ക്കും സിപിഐ എറണാകുളം ജില്ലാ സെക്രട്ടറി രാജുവിനും അഭിവാദ്യമര്പ്പിച്ചുള്ളതാണ് പോസ്റ്റര്. അമ്പലപ്പുഴ സിപിഐയിലെ തിരുത്തല്വാദികള് പതിച്ചത് എന്ന നിലയിലാണ് പോസ്റ്റര് പ്രത്യക്ഷപ്പെട്ടിരിക്കുന്നത്.
കൊച്ചിയില് സിപിഐ മാര്ച്ചിനിടെയുണ്ടായ സംഘര്ഷത്തില് പാര്ട്ടി എംഎല്എയ്ക്കും നേതാക്കള്ക്കും പൊലീസ് മര്ദ്ദനമേറ്റ സംഭവത്തില് കാനം രാജേന്ദ്രന് സ്വീകരിച്ച നിലപാട് പാര്ട്ടിക്കുള്ളില് അഭിപ്രായവ്യത്യാസങ്ങള്ക്ക് കാരണമായിരുന്നു. കാനം രാജേന്ദ്രനെതിരെ വിമര്ശനവും ശക്തമായിരുന്നു. ഈ സാഹചര്യത്തിലാണ് ആലപ്പുഴയില് പോസ്റ്റര് പതിച്ചിരിക്കുന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam