ഓടിക്കൊണ്ടിരുന്ന സ്വകാര്യബസിൽ നിന്ന് ​ഗർഭിണി തെറിച്ചുവീണ സംഭവം; ഡ്രൈവറും കണ്ടക്ടറും അറസ്റ്റിൽ, ജാമ്യമില്ലാവകുപ്പ് പ്രകാരം കേസെടുത്തു

വളവിൽ വച്ച് ബസ്സിന്റെ തുറന്ന ഡോറിലൂടെ യുവതി പുറത്തേക്ക് വീഴുകയായിരുന്നു. കാലിനും കൈയ്ക്കും മുഖത്തും യുവതിക്ക് പരിക്കേറ്റിരുന്നു.

തൃശ്ശൂർ: തൃശ്ശൂർ ചാവക്കാട് സ്വകാര്യ ബസ്സിൽ നിന്ന് ഗർഭിണി തെറിച്ചുവീണ് പരിക്കേറ്റ സംഭവത്തിൽ ബസ് ജീവനക്കാരെ പോലീസ് അറസ്റ്റ് ചെയ്തു. ഡ്രൈവർ ചാലിശ്ശേരി സ്വദേശി പ്രകാശൻ കണ്ടക്ടർ തളി സ്വദേശി കാളിദാസൻ എന്നിവരാണ് അറസ്റ്റിലായത്. ജാമ്യമില്ല വകുപ്പ് പ്രകാരമാണ് പോലീസ് കേസ്. കുന്നംകുളം റൂട്ടിൽ ഓടുന്ന പാലയൂർ ബസ്സിൽ ഇന്നലെ രാവിലെയാണ് അപകടം നടന്നത്. വളവിൽ വച്ച് ബസ്സിന്റെ തുറന്ന ഡോറിലൂടെ യുവതി പുറത്തേക്ക് വീഴുകയായിരുന്നു. കാലിനും കൈയ്ക്കും മുഖത്തും യുവതിക്ക് പരിക്കേറ്റിരുന്നു.