രാഷ്ട്രപതി ഉത്തരവിട്ടു; കേരള ഹൈക്കോടതിയിലെ ഏഴ് ജസ്റ്റിസുമാരെ സ്ഥിരം ജഡ്‌ജിമാരായി നിയമിച്ചു

കേരള ഹൈക്കോടതിയിലെ ഏഴ് അഡീഷണൽ ജഡ്ജിമാരെ സ്ഥിരം ജഡ്ജിമാരായി നിയമിച്ചു. സുപ്രീം കോടതി ചീഫ് ജസ്റ്റിസുമായി നടത്തിയ ചർച്ചയ്ക്ക് ശേഷം രാഷ്ട്രപതി ദ്രൗപതി മുർമുവിന്റെ ഉത്തരവ് പ്രകാരം കേന്ദ്ര നിയമ മന്ത്രാലയം ഇത് സംബന്ധിച്ച വിജ്ഞാപനം പുറത്തിറക്കി.

കൊച്ചി: കേരള ഹൈക്കോടതിയിലെ ഏഴ് അഡീഷണൽ ജഡ്ജിമാരെ സ്ഥിരം ജഡ്ജിമാരായി നിയമിച്ചു. സുപ്രീം കോടതി ചീഫ് ജസ്റ്റിസുമായി നടത്തിയ ചർച്ചയ്ക്ക് ശേഷം രാഷ്ട്രപതി ദ്രൗപതി മുർമുവാണ് ഉത്തരവ് പുറത്തുവിട്ടത്. പിന്നാലെ കേന്ദ്ര നിയമ മന്ത്രാലയം ഔദ്യോഗിക ഉത്തരവ് പുറപ്പെടുവിച്ചത്. അഡീഷണൽ ജഡ്ജിമാരായി സേവനമനുഷ്ഠിച്ചു വരികയായിരുന്ന ന്യായാധിപന്‍മാരെ കേരള ഹൈക്കോടതിയിലെ നിലവിലെ ഒഴിവുകളിലേക്കാണ് സ്ഥിരപ്പെടുത്തിയത്.

1. ജസ്റ്റിസ് മുല്ലപ്പള്ളി അബ്ദുൽ അസീസ് അബ്ദുൽ ഹക്കിം
2. ജസ്റ്റിസ് ശ്യാം കുമാർ വി.എം.
3. ജസ്റ്റിസ് ഹരിശങ്കർ വിജയൻ മേനോൻ
4. ജസ്റ്റിസ് മനു ശ്രീധരൻ നായർ
5. ജസ്റ്റിസ് ഈശ്വരൻ സുബ്രഹ്മണി
6. ജസ്റ്റിസ് മനോജ് പി. മാധവൻ
7. ജസ്റ്റിസ് എം.ബി. സ്നേഹലത