'ഉത്സവ‌പ്പറമ്പിലെ പോക്കറ്റടിക്കാരനെപ്പോലെയാണ് ഇന്നലെ നടത്തിയ പരാമർശം'; വേണു​ഗോപാലിന് എം വി ജയരാജന്റെ മറുപടി

പിണറായിസം ജനങ്ങൾ അം​ഗീകരിച്ചെന്നും എംവി ജയരാജൻ ഏഷ്യാനെറ്റ് ന്യൂസിനോട് പ്രതികരിച്ചു.  

തിരുവനന്തപുരം: കെ സി വേണു​ഗോപാലിന് മറുപടിയുമായി സിപിഐ എം സംസ്ഥാന സെക്രട്ടറിയേറ്റ് അം​ഗം എം വി ജയരാജൻ. ഉത്സവപ്പറമ്പിലെ പോക്കറ്റടിക്കാരനെപ്പോലെയാണ് കെസി വേണു​ഗോപാൽ ഇന്നലെ നടത്തിയ പരാമർശമെന്നായിരുന്നു എംവി ജയരാജന്റെ മറുപടി. രാജ്യസഭയിൽ ബിജെപിക്ക് ഒരു സീറ്റ് നൽകിയതാണ്  കെ സി വേണു​ഗോപാലിന്റെ ചതിയെന്നും ജയരാജൻ പറഞ്ഞു. സതീശനിസം അഥവാ അവനവനിസം ആണ് യുഡിഎഫിൽ നടക്കുന്നതെന്ന് ലീ​ഗ് പറയുന്നു. പിണറായിസം ജനങ്ങൾ അം​ഗീകരിച്ചെന്നും എംവി ജയരാജൻ ഏഷ്യാനെറ്റ് ന്യൂസിനോട് പ്രതികരിച്ചു.  

 മലപ്പുറം ജില്ലക്കെതിരെ വലിയ ചതിപ്രയോഗം നടത്തിയ ആളാണ് മുഖ്യമന്ത്രിയെന്നായിരുന്നു കെ സി വേണുഗോപാലിന്‍റെ കുറ്റപ്പെടുത്തൽ. സ്വര്‍ണക്കടത്തിന്‍റെയും കള്ളപ്പണത്തിന്‍റെയും നാടെന്ന് പറഞ്ഞ് മുഖ്യമന്ത്രി മലപ്പുറത്തെ അപമാനിച്ചു. ആ ചതിപ്രയോഗം നടത്തിയത് മറക്കാനാവില്ലെന്ന് കെ സി വേണുഗോപാല്‍ മലപ്പുറത്ത് പറഞ്ഞു. ചതിയെന്ന വാക്ക് ഉപയോഗിക്കാന്‍ ഏറ്റവും യോഗ്യന്‍ മുഖ്യമന്ത്രി പിണറായി വിജയനാണെന്നും കെ സി കുറ്റപ്പെടുത്തി. നിലമ്പൂരിലെ യുഡിഎഫ് കണ്‍വെന്‍ഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.