സ്വകാര്യ ബസുകള്ക്ക് തിരിച്ചടി; ബംഗളൂരുവിലേക്ക് നാളെ മുതല് സ്പെഷ്യല് ട്രെയിന്
Synopsis
ബംഗളൂരുവിലേക്കുള്ള സ്വകാര്യ ബസുകളിലെ അക്രമങ്ങളും അമിത ചാര്ജും സംബന്ധിച്ച പ്രശ്നങ്ങള് ഉണ്ടായതിനെത്തുടര്ന്നാണ് നടപടി
തൃശൂര്: സ്വകാര്യ ബസ് സര്വീസുകളെ നിയന്ത്രിക്കാന് ഞായറാഴ്ചകളില് ബംഗളൂരുവിലേക്ക് സ്പെഷ്യല് ട്രെയിന്. കൊച്ചുവേളി-കൃഷ്ണരാജപുരം ട്രെയിനാണ് നാളെ മുതല് ഓടിത്തുടങ്ങുക. ബംഗളൂരുവിലേക്കുള്ള സ്വകാര്യ ബസുകളിലെ അക്രമങ്ങളും അമിത ചാര്ജും സംബന്ധിച്ച് പ്രശ്നങ്ങള് ഉണ്ടായതിനെത്തുടര്ന്നാണ് നടപടി.
മന്ത്രി എ കെ ശശിന്ദ്രന്റെ നിര്ദ്ദേശ പ്രകാരം ഗതാഗത പ്രിന്സിപ്പല് സെക്രട്ടറി കെ ആര് ജ്യോതിലാല് റെയില്വേ ബോര്ഡുമായി നടത്തിയ ചര്ച്ചയെ തുടര്ന്നാണ് സ്പെഷ്യല് ട്രെയിന് ഓടിക്കാന് തീരുമാനമായത്. ട്രെയിന് നാളെ രാവിലെ അഞ്ചിന് കൊച്ചുവേളിയില് നിന്ന് പുറപ്പെടും. 10.42ന് തൃശൂരിലെത്തും. 12ന് പാലക്കാടെത്തും. സ്പെഷ്യല് ട്രെയിനില് സീറ്റുകള് റിസര്വ് ചെയ്യാനുള്ള സൗകര്യം ഇന്ന് രാവിലെ എട്ടിന് ആരംഭിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam