രണ്ട് കോണ്ഗ്രസ് നേതാക്കള് ബിജെപിയിലേക്ക്; ചര്ച്ചകള് പുരോഗമിക്കുന്നുവെന്ന് ശ്രീധരന്പിള്ള
Synopsis
കോണ്ഗ്രസ് മുന് വക്താവ് ടോം വടക്കന് ബിജെപിയില് ചേര്ന്നതിന് പിന്നാലെ കൂടുതല് പേര് ബിജെപിയിലെത്തുമെന്ന് ശ്രീധരന്പിള്ള പ്രതികരിച്ചിരുന്നു.
തിരുവനന്തപുരം: കെപിസിസി നിർവ്വാഹക അംഗങ്ങൾ ഉൾപ്പടെയുള്ള രണ്ട് കോൺഗ്രസ് നേതാക്കൾ ബിജെപിയിലേക്ക് എത്താൻ സന്നദ്ധരാണെന്ന് അറിയിച്ചതായി ബിജെപി അധ്യക്ഷന് ശ്രീധരൻ പിള്ള. തത്കാലം പേരുകൾ പുറത്ത് വിടുന്നില്ലെന്നും ഇവരുമായി ചർച്ചകൾ തുടരുകയാണെന്നും ശ്രീധരന്പിള്ള വ്യക്തമാക്കി. കോണ്ഗ്രസ് മുന് വക്താവ് ടോം വടക്കന് ബിജെപിയില് ചേര്ന്നതിന് പിന്നാലെ കൂടുതല് പേര് ബിജെപിയിലെത്തുമെന്ന് ശ്രീധരന്പിള്ള പ്രതികരിച്ചിരുന്നു.
ഇതിനിടെ ശശി തരൂരിന്റെ ഉറ്റബന്ധുക്കളടക്കം 10 പേര് ബിജെപിയില് ചേര്ന്നു. ശശി തരൂരിന്റെ അമ്മയുടെ അനിയത്തി ശോഭന, ഭർത്താവ് ശശികുമാർ എന്നിവരാണ് ബിജെപിയിൽ ചേർന്നത്. പി എസ് ശ്രീധരൻ പിള്ളയിൽ നിന്ന് ഇവര് ഇന്ന് അംഗത്വം സ്വീകരിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam