
പാറശ്ശാല: പാറശ്ശാല മുതൽ വെള്ളറട വരെയുള്ള തമിഴ്നാട് അതിർത്തി വരുന്ന സ്ഥലങ്ങളിലെ ഇടറോഡുകൾ തമിഴ്നാട് പൊലീസിന്റെ നേതൃത്ത്വത്തിൽ ബാരിക്കേഡ് വച്ച് അടച്ചു. കഴിഞ്ഞ വർഷം കൊവിഡ് വ്യാപനമുണ്ടായപ്പോൾ സമാന രീതിയിൽ ഇവിടെ മണ്ണ് കൊണ്ട് അടച്ചിരുന്നു. അതിർത്തി അടച്ച വിഷയം തമിഴ്നാട് ചീഫ് സെക്രട്ടറിയുടെ ശ്രദ്ധയിൽപെടുത്തുമെന്ന് ചീഫ് സെക്രട്ടറി വി പി ജോയ് പറഞ്ഞു.
കേരളത്തിൽ രോഗികളുടെ എണ്ണം കൂടുന്ന സാഹചര്യത്തിലാണ് കൂടുതൽ ആളുകൾ തമിഴ്നാട്ടിലേക്ക് വരുന്നത് തടയാൻ തമിഴ്നാടിന്റെ നീക്കം. പരിശോധനയുള്ള മാർഗങ്ങളിൽ കൂടിയല്ലാതെ ആളുകൾ കടക്കുന്നത് തടയാനാണെന്നാണ് തമിഴ്നാടിന്റെ വിശദീകരണം. വാക്സീൻ എടുത്തവരെയും പരിശോധന നടത്തി നെഗറ്റീവ് ആയവരെയും മാത്രം കടത്തിവിടാനാണ് നീക്കം.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam