സ്കൂളിലെ ഓഫീസ് മുറികൾ തകർത്ത് മോഷണം; ഹെഡ്മാസ്റ്ററുടെ മുറിയിൽ സൂക്ഷിച്ചിരുന്ന പണം കവർന്നു

പെരുമ്പാവൂർ ​ഗവൺമെന്റ് ​ഗേൾസ് ഹയർസെക്കൻഡറി സ്കൂളിൽ ഓഫീസ് മുറികളുടെ വാതിൽ തകർത്ത് മോഷണം. ഹെഡ്മാസ്റ്ററുടെ മുറിയിൽ മേശയ്ക്കുള്ളിൽ സൂക്ഷിച്ചിരുന്ന 3600 രൂപ മോഷ്ടാവ് കവർന്നു

കൊച്ചി: പെരുമ്പാവൂർ ​ഗവൺമെന്റ് ​ഗേൾസ് ഹയർസെക്കൻഡറി സ്കൂളിൽ മോഷണം. സ്കൂളിലെ ഓഫീസ് മുറികളുടെ വാതിൽ തകർത്താണ് മോഷണം നടത്തിയത്. ഹെഡ്മാസ്റ്ററുടെ മുറിയുടെയും സ്റ്റാഫ് റൂമിന്റെയും വാതിലുകളാണ് തകർത്തത്. ഹെഡ്മാസ്റ്ററുടെ മുറിയിൽ മേശയ്ക്കുള്ളിൽ സൂക്ഷിച്ചിരുന്ന 3600 രൂപ മോഷ്ടാവ് കവർന്നു. സ്കൂൾ ബസ്സുകൾക്ക് ഡീസൽ അടിക്കുന്നതിനുവേണ്ടി സൂക്ഷിച്ചിരുന്ന പണമാണ് മോഷണം പോയതെന്ന് സ്കൂൾ അധികൃതർ പറഞ്ഞു.