'പുറത്താക്കപ്പെട്ട വിസിമാര്ക്കെതിരെ തിങ്കളാഴ്ച വരെ തുടര്നടപടികള് വേണ്ട': ഹൈക്കോടതി
Synopsis
ഒരാഴ്ച മുമ്പാണ് കാലിക്കറ്റ്, സംസ്കൃത സര്വകലാശാല വൈസ് ചാൻസലര്മാരെ ഗവര്ണര് ആരിഫ് മുഹമ്മദ് ഖാൻ പുറത്താക്കിയത്. യുജിസി യോഗ്യതയില്ലെന്ന കാരണത്താലാണ് ഗവര്ണറുടെ നടപടി.
കൊച്ചി: കാലിക്കറ്റ്, സംസ്കൃത സര്വകലാശാല വിസിമാരെ പുറത്താക്കിയ സംഭവത്തില് പുറത്താക്കപ്പെട്ട വിസിമാര്ക്കെതിരെ തിങ്കളാഴ്ച വരെ തുടര്നടപടികള് പാടില്ലെന്ന് ഹൈക്കോടതി ഉത്തരവ്. പുറത്താക്കപ്പെട്ട വിസിമാർ നൽകിയ ഹർജികൾ ഹൈക്കോടതി വാദത്തിനായി തിങ്കളാഴ്ച്ചത്തേക്ക് മാറ്റി.
ഒരാഴ്ച മുമ്പാണ് കാലിക്കറ്റ്, സംസ്കൃത സര്വകലാശാല വൈസ് ചാൻസലര്മാരെ ഗവര്ണര് ആരിഫ് മുഹമ്മദ് ഖാൻ പുറത്താക്കിയത്. യുജിസി യോഗ്യതയില്ലെന്ന കാരണത്താലാണ് ഗവര്ണറുടെ നടപടി. കാലിക്കറ്റ് സര്വകലാശാല വിസി ഡോ. എംകെ ജയരാജിനെയും സംസ്കൃത സര്വകലാശാല വിസി ഡോ എംവി നാരായണനെയുമാണ് പുറത്താക്കിയത്.
നിയമനം റദ്ദാക്കിയെങ്കിലും കോടതിയെ സമീപിക്കാൻ പത്ത് ദിവസം അനുവദിക്കണമെന്ന് നിർദ്ദേശമുണ്ടായിരുന്നു. ഇതിന്റെ അടിസ്ഥാനത്തിലാണ് പുറത്താക്കപ്പെട്ട വിസിമാര് ഇന്ന് ഹൈക്കോടതിയെ സമീപിച്ചത്. ഹർജ്ജിയിൽ പരിഗണിച്ചകോടതി തുടർ വാദത്തിനായി ഹർജി തിങ്കളാഴ്ചയ്ക്ക് മാറ്റി. ഹർജ്ജിയിൽ തീർപ്പ് കല്പിക്കുന്നതുവരെ വിസി നിയമനത്തിൽ മേൽ നടപടികൾ സ്വീകരിക്കരുതെന്ന് കോടതി നിർദേശിച്ചു
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം:-
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam