എൻസിപിയിൽ പോര് മുറുകുന്നു; തനിക്ക് വഴങ്ങാത്തവരെ പി സി ചാക്കോ വെട്ടിയൊതുക്കുന്നുവെന്ന് തോമസ് കെ.തോമസ്

പി സി ചാക്കോയ്ക്കെതിരെ വീണ്ടും പരസ്യ പ്രതികരണവുമായി തോമസ് കെ തോമസ് എംഎൽഎ. 

തിരുവനന്തപുരം: എൻസിപിയിൽ പോര് മുറുകുന്നു. പി സി ചാക്കോയ്ക്കെതിരെ വീണ്ടും പരസ്യ പ്രതികരണവുമായി തോമസ് കെ തോമസ് എംഎൽഎ. തനിക്ക് വഴങ്ങാത്തവരെ പിസി ചാക്കോ വെട്ടിയൊതുക്കുകയാണെന്നും ഈ നിലപാടുമായി മുന്നോട്ട് പോകാനാകില്ലെന്നും തോമസ് കെ തോമസ് പറഞ്ഞു. 'അദ്ദേഹത്തിന് വാശി, അദ്ദേഹം പറയുന്ന ആൾ വരണം. തോമസ് കെ തോമസിനെ അട്ടിമറിക്കണം എന്നുള്ളതാണ് അദ്ദേഹത്തിന്റെ ആ​ഗ്രഹം.' തോമസ് കെ തോമസ് എംഎൽഎ പറഞ്ഞു. ആലപ്പുഴയിൽ തന്നെ അംഗീകരിച്ചാൽ സ്ഥാനമൊഴിയുമെന്ന് പി.സി ചാക്കോ ശരദ് പവാറിനോട് പറഞ്ഞതായി തോമസ് കെ തോമസ് വ്യക്തമാക്കി. സ്ഥാനമേറ്റെടുക്കാൻ തയാറാന്നെന്ന് താൻ അറിയിച്ചു. തന്നെ അം​ഗീകരിക്കാത്ത ഒരാളുമായി എങ്ങനെ ചേർന്നു പോകുമെന്നും എംഎൽഎ ചോദിച്ചു.