എറണാകുളത്തെ നിയോജക മണ്ഡലങ്ങളിൽ മത്സരിക്കാനൊരുങ്ങി ട്വന്റി 20; പത്രങ്ങളില്‍ പരസ്യം

ആധുനിക കേരളത്തിനായി അണി ചേരുക. ട്വന്റി 20യിൽ അംഗമാകുക എന്നാണ് പരസ്യത്തിൽ വ്യക്തമാക്കുന്നത്

കൊച്ചി: എറണാകുളം ജില്ലയിലെ നിയോജക മണ്ഡലങ്ങളിൽ മത്സരിക്കുമെന്ന് സൂചന നൽകി ട്വന്റി-20യുടെ പരസ്യം പത്രങ്ങളിൽ. ഇതിന്റെ ഭാഗമായി ജില്ലയിലെ നിയോജക മണ്ഡലങ്ങളിൽ അംഗത്വ വിതരണം തുടങ്ങി. ഓൺലൈനിലൂടെ അംഗത്വം നേടാമെന്നും സംസ്ഥാനത്തെ ഇടത് വലത് മുന്നണികൾക്കെതിരെ മത്സരിക്കുമെന്നും പരസ്യത്തിൽ  ട്വന്റി-20 സൂചന നൽകുന്നു.

ആധുനിക കേരളത്തിനായി അണി ചേരുക. ട്വന്റി 20യിൽ അംഗമാകുക എന്നാണ് പരസ്യത്തിൽ വ്യക്തമാക്കുന്നത്. ഇതോടൊപ്പം തുടക്കം എറണാകുളം ജില്ലയിൽ നിന്നായിരിക്കുമെന്നും കൊച്ചി എഡിഷനുകളിൽ പ്രത്യക്ഷപ്പെട്ട പത്രങ്ങളിലെ പരസ്യങ്ങളിൽ പറയുന്നു.