കേരള പൊലീസിൽ വനിതാ ഉദ്യോഗസ്ഥർക്കായി രണ്ട് പുതിയ പുരസ്കാരങ്ങൾ; കമലമ്മ അവാർഡും പദ്മിനി അമ്മ അവാർഡും

Published : Nov 16, 2026, 08:17 PM IST
Kerala Police

Synopsis

കേരള പൊലീസിലെ വനിതാ ഉദ്യോഗസ്ഥരെ ആദരിക്കുന്നതിനായി കമലമ്മ, പദ്മിനി അമ്മ എന്നീ രണ്ട് പുതിയ പുരസ്കാരങ്ങൾ ഏർപ്പെടുത്തുന്നു. സിവിൽ പൊലീസ് ഓഫീസർ മുതൽ ഡിവൈഎസ്പി വരെയുള്ള മികച്ച സേവനം നടത്തുന്ന വനിതാ ഉദ്യോഗസ്ഥർക്കാണ് ഈ പുരസ്കാരങ്ങൾ നൽകുന്നത്.

തിരുവനന്തപുരം: കേരള പൊലീസിൽ വനിതാ ഉദ്യോഗസ്ഥർക്കായി രണ്ട് പുതിയ പുരസ്കാരങ്ങൾ ഏർപ്പെടുത്തും. കമലമ്മ അവാർഡും പദ്മിനി അമ്മ അവാർഡുമാണ് ഏർപ്പെടുത്തുന്നത്. കേരള പൊലീസിലെ വനിതാ ഉദ്യോഗസ്ഥരുടെ മികച്ച സേവനങ്ങളെ ആദരിക്കുന്നതിനായി രണ്ട് പുതിയ പുരസ്കാരങ്ങൾ ഏർപ്പെടുത്തുന്നത്. കേരളത്തിലെ ആദ്യ വനിതാ പൊലീസ് ഉദ്യോഗസ്ഥയായിരുന്ന സി കമലമ്മയുടെ പേരിലാണ് കമലമ്മ അവാർഡ്. കേരളത്തിലെ ആദ്യ വനിതാ സബ് ഇൻസ്പെക്ടറായിരുന്ന എം പദ്മിനി അമ്മയുടെ പേരിൽ പദ്മിനി അമ്മ അവാർഡും നൽകും.

കമലമ്മ അവാർഡ്

ഗുരുതരമായ കുറ്റകൃത്യങ്ങൾ കണ്ടെത്തുന്നതിലും മികച്ച രീതിയിൽ അന്വേഷണം പൂർത്തിയാക്കുന്നതിലും മികവ് പുലർത്തുന്ന വനിതാ പൊലീസ് ഉദ്യോഗസ്ഥയ്ക്കാണ് കമലമ്മ അവാർഡ് നൽകുക. തെളിവുകളുടെ ഗുണനിലവാരവും കേസുകളിലെ ശിക്ഷാനിരക്കും പുരസ്കാര നിർണയത്തിൽ പരിഗണിക്കും.

പദ്മിനി അമ്മ അവാർഡ്

കേരളത്തിലെ ആദ്യ വനിതാ സബ് ഇൻസ്പെക്ടറും ഇന്ത്യയിൽ വനിതാ പൊലീസ് സ്റ്റേഷന്റെ ചുമതല സ്വതന്ത്രമായി വഹിച്ച ആദ്യ ഉദ്യോഗസ്ഥയുമായിരുന്നു എം പദ്മിനി അമ്മ. ക്രമസമാധാന പാലന രംഗത്തെ മികച്ച പ്രവർത്തനങ്ങൾക്കാണ് പദ്മിനി അമ്മ അവാർഡ് നൽകുക. ജനക്കൂട്ട നിയന്ത്രണം, കുറ്റകൃത്യങ്ങൾ തടയൽ, സാമൂഹിക പൊലീസ് പ്രവർത്തനം, നിർണായകവും സങ്കീർണവുമായ സാഹചര്യങ്ങൾ കൈകാര്യം ചെയ്യൽ തുടങ്ങിയവ പുരസ്കാരത്തിനായി പരിഗണിക്കും.

സിവിൽ പൊലീസ് ഓഫീസർ മുതൽ ഡെപ്യൂട്ടി സൂപ്രണ്ട് ഓഫ് പൊലീസ് വരെയുള്ള വനിതാ ഉദ്യോഗസ്ഥർക്ക് രണ്ട് പുരസ്കാരങ്ങൾക്കും അപേക്ഷിക്കാം. പൊലീസ് ബാഡ്ജ് ഓഫ് ഓണറിന് നിലവിലുള്ള തെരഞ്ഞെടുപ്പ് നടപടിക്രമം തന്നെയായിരിക്കും ഈ പുരസ്കാരങ്ങൾക്കും പിന്തുടരുക. ബാഡ്ജ് ഓഫ് ഓണർ പുരസ്കാര വിതരണ ചടങ്ങിൽ വച്ചായിരിക്കും കമലമ്മ, പദ്മിനി അമ്മ അവാർഡുകളും സമ്മാനിക്കുക.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

കഴക്കൂട്ടത്ത് ലഹരി സംഘത്തിന്റെ ആക്രമണം, ഥാർ പൊലീസുകാർക്ക് നേരെ ഇടിച്ചുകയറ്റി, നാല് പേർക്ക് പരിക്കേറ്റു
ജയയുടെയും മകളുടെയും ദുരിതജീവിതത്തിൽ ഇടപെട്ട് ഹൈക്കോടതി, സാമൂഹിക നീതി വകുപ്പ് ഓഫീസർ വീട് സന്ദർശിക്കണം, അടിയന്തര റിപ്പോർട്ടിന് നിർദേശം