കേസിൽ അലനും താഹയ്ക്കുമെതിരെ യുഎപിഎ ചുമത്താൻ കാരണമെന്താണെന്ന് വിശദീകരിക്കാൻ മുഖ്യമന്ത്രി തയ്യാറാകണമെന്ന് എംകെ മുനീർ പറഞ്ഞു
കോഴിക്കോട്: വിവാദമായ കോഴിക്കോട് പന്തീരാങ്കാവ് യുഎപിഎ കേസിൽ യുഡിഎഫ് ഇടപെടുന്നു. സിപിഎം പ്രവർത്തകരായിരുന്ന അലനെയും താഹയെയും പാർട്ടി തീർത്തും തള്ളിപ്പറഞ്ഞ സാഹചര്യത്തിലാണിത്. നാളെ പ്രതിപക്ഷ നേതാവ് രമേശ് ചെന്നിത്തല അലന്റെയും താഹയുടേയും വീടുകൾ സന്ദർശിക്കും.
വിഷയത്തിൽ മുന്നണി തലത്തിൽ ഇടപെടുമെന്ന് പ്രതിപക്ഷ ഉപനേതാവ് എംകെ മുനീർ പറഞ്ഞു. കേസിൽ അലനും താഹയ്ക്കുമെതിരെ യുഎപിഎ ചുമത്താൻ കാരണമെന്താണെന്ന് വിശദീകരിക്കാൻ മുഖ്യമന്ത്രി തയ്യാറാകണമെന്ന് എംകെ മുനീർ പറഞ്ഞു. വിഷയത്തിൽ മുന്നണിയിലെ എല്ലാ പാർട്ടികളുമായും കൂടിയാലോചിച്ച ശേഷം കൂടുതൽ കാര്യങ്ങൾ തീരുമാനിക്കും.