ചെങ്ങന്നൂരിൽ രാത്രിയെത്തിയ അജ്ഞാതൻ വീടിന് മുന്നിൽ നിർത്തിയിട്ടിരുന്ന കാറിന് തീയിട്ടു

രാത്രി പന്ത്രണ്ടരയോടു കൂടി വീട്ടുമുറ്റത്തെത്തിയ അജ്ഞാൻ പെട്രോൾ ഒഴിച്ച് കത്തിക്കുകയായിരുന്നു

ചെങ്ങന്നൂര്‍: ചെങ്ങന്നൂരിൽ വീട്ടുമുറ്റത്ത് നിർത്തിയിട്ടിരുന്ന കാറിന് അജ്ഞാതൻ തീയിട്ടു. റെയിൽവേ സ്റ്റേഷന് പുറകുവശം താമസിക്കുന്ന കോതാലിൽ പുല്ലാട്ട് രാജമ്മയുടെ വീട്ടുമുറ്റത്ത് കിടന്ന കാറാണ് രാത്രി പന്ത്രണ്ടരയോടു കൂടി അജ്ഞാൻ പെട്രോൾ ഒഴിച്ച് കത്തിച്ചത്. കാർ പൂർണ്ണമായും കത്തിനശിച്ചു.

രാജമ്മയുടെ വിദേശത്തുള്ള മകൾ കവിതയുടെ ഉടമസ്ഥതയിലുള്ളതാണ് കാർ. തീ വിടിനകത്തേക്കും പടർന്നു. കട്ടിൽ, മെത്ത, ദിവാൻകോട്ട് എന്നിവയും കത്തി നശിച്ചു. ഫയർഫോഴ്സ് എത്തി തീ അണച്ചതിനാൽ വൻ അപകടം ഒഴിവായി. ഈ സമയം രാജമ്മയുടെ മകൾ ലേഖ, കൊച്ചുമക്കളായ നാലു വയസ്സുള്ള അർഷിത, മിഥുൻ മോഹൻ, നിഥിൻ മോഹൻ എന്നിവരാണ് വീട്ടിൽ ഉണ്ടായിരുന്നത്. സംഭവത്തിന്റെ സിസിടവി ദൃശ്യങ്ങൾ ലഭ്യമായിട്ടുണ്ട്. ചെങ്ങന്നൂർ പൊലീസ് സംഭവ സ്ഥലതെത്തി മേൽ നടപടികൾ സ്വീകരിച്ചു.