വി മുരളീധരന് ആന്ധ്രയുടെയും എപി അബ്‌ദുള്ളക്കുട്ടിക്ക് ലക്ഷദ്വീപിന്റെയും ചുമതല

കേരളത്തിൽ നിന്നുള്ള മുതിർന്ന ബിജെപി നേതാവ് പികെ കൃഷ്ണദാസ് സംഘടനാ ചുമതലയുള്ള നേതാക്കളുടെ പട്ടികയിൽ ഇല്ല. സിപി രാധാകൃഷ്ണനാണ് കേരളത്തിന്റെ ചുമതല

ദില്ലി: കേന്ദ്ര വിദേശകാര്യ സഹമന്ത്രി വി മുരളീധരനും ബിജെപി ദേശീയ വൈസ് പ്രസിഡന്റ് എപി അബ്ദുള്ളക്കുട്ടിക്കും ബിജെപി സംഘടനാ ചുമതല നൽകി. വി മുരളീധരന് ആന്ധ്രപ്രദേശ് സംസ്ഥാനത്തിന്റെയും അബ്ദുള്ളക്കുട്ടിക്ക് ലക്ഷദ്വീപിന്റെയും ചുമതലയാണ് നൽകിയിരിക്കുന്നത്. സംസ്ഥാനങ്ങളിലെ പാർട്ടി ചുമതലയുള്ളവരിൽ കേന്ദ്ര മന്ത്രിസഭയിൽ നിന്നുള്ള ഏകയാളാണ് വി മുരളീധരൻ. കേരളത്തിൽ നിന്നുള്ള മുതിർന്ന ബിജെപി നേതാവ് പികെ കൃഷ്ണദാസ് സംഘടനാ ചുമതലയുള്ള നേതാക്കളുടെ പട്ടികയിൽ ഇല്ല. സിപി രാധാകൃഷ്ണനാണ് കേരളത്തിന്റെ ചുമതല.