കേരളത്തിൽ ഒരാഴ്ച കൊണ്ട് 24 ലക്ഷത്തിലധികം പേര്ക്ക് വാക്സീന് നല്കിയതായി ആരോഗ്യവകുപ്പ്
Synopsis
ഇന്ന് 3,24,954 പേര്ക്കാണ് വാക്സീന് നല്കിയത്. അതില് 2,95,294 പേര്ക്ക് ഒന്നാം ഡോസ് വാക്സിനും 29,660 പേര്ക്ക് രണ്ടാം ഡോസ് വാക്സീനുമാണ് നല്കിയത്.
തിരുവനന്തപുരം: സംസ്ഥാനത്ത് ഒരാഴ്ച കൊണ്ട് 24 ലക്ഷത്തിലധികം പേര്ക്ക് വാക്സീന് നല്കിയതായി ആരോഗ്യവകുപ്പ്. ആഗസ്റ്റ് ഒമ്പതിനാണ് വാക്സിനേഷന് യജ്ഞം ആരംഭിച്ചത്. തിങ്കളാഴ്ച മുതല് ഞായറാഴ്ച വരെ ആകെ 24,16,706 പേര്ക്കാണ് വാക്സീന് നല്കിയത്. ആദ്യ ദിവസങ്ങളില് വാക്സിന്റെ ക്ഷാമം കാരണം എണ്ണം കുറഞ്ഞെങ്കിലും കൂടുതല് വാക്സിന് ലഭ്യമായതോടെ വാക്സിനേഷന്റെ എണ്ണം വര്ധിച്ചു.
തിങ്കള് 2,54,409, ചൊവ്വ 99,528, ബുധന് 2,42,422, വ്യാഴം 4,08,632, വെള്ളി 5,60,515, ശനി 5,26,246 എന്നിങ്ങനെയാണ് വാക്സിനേഷന് യജ്ഞം നടത്തിയത്. ഇന്ന് 3,24,954 പേര്ക്കാണ് വാക്സീന് നല്കിയത്. അതില് 2,95,294 പേര്ക്ക് ഒന്നാം ഡോസ് വാക്സിനും 29,660 പേര്ക്ക് രണ്ടാം ഡോസ് വാക്സിനുമാണ് നല്കിയത്.
5 ലക്ഷം ഡോസ് കോവീഷീല്ഡ് വാക്സീന് കൂടി രാത്രിയോടെ എറണാകുളത്ത് ലഭ്യമായിട്ടുണ്ട്. ഇത് മറ്റ് ജില്ലകളിലേക്ക് വിതരണം ചെയ്തു വരുന്നു.
1220 സര്ക്കാര് കേന്ദ്രങ്ങളും 189 സ്വകാര്യ കേന്ദ്രങ്ങളും ഉള്പ്പെടെ 1409 വാക്സിനേഷന് കേന്ദ്രങ്ങളാണുണ്ടായിരുന്നത്. സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 2,42,66,857 പേര്ക്കാണ് വാക്സീന് നല്കിയത്. അതില് 1,75,79,206 പേര്ക്ക് ഒന്നാം ഡോസ് വാക്സിനും 66,87,651 പേര്ക്ക് രണ്ടാം ഡോസ് വാക്സിനുമാണ് നല്കിയത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam