വി എം സുധീരന് കൊവിഡ് സ്ഥിരീകരിച്ചു

തിരുവഞ്ചൂര്‍ രാധാകൃഷ്ണന് കൊവിഡ് സ്ഥിരീകരിച്ച സാഹചര്യത്തിൽ നിരീക്ഷണത്തിൽ കഴിയുകയായിരുന്നു വിഎം സുധീരൻ

തിരുവനന്തപുരം: കോൺഗ്രസ് നേതാവ് വിഎം സുധീരന് കൊവിഡ് സ്ഥിരീകരിച്ചു. തിരുവഞ്ചൂര്‍ രാധാകൃഷ്ണന് കൊവിഡ് സ്ഥിരീകരിച്ച സാഹചര്യത്തിൽ നിരീക്ഷണത്തിൽ കഴിയുകയായിരുന്നു വിഎം സുധീരൻ. ചെറിയ അസ്വസ്ഥതകൾ ഉള്ളതിനാൽ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. 

തദ്ദേശ ഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പ് ഫലം വന്നതിന് ശേഷം കെപിസിസി രാഷ്ട്രീയകാര്യ സമിതിയോഗത്തിന് ശേഷം തിരുവഞ്ചൂര്‍ രാധാകൃഷ്ണന് കൊവഡ് സ്ഥിരീകരിച്ചിരുന്നു. തിരു‍വഞ്ചൂരിന് തൊട്ടടുത്തിരുന്നാണ് യോഗത്തിൽ പങ്കെടുത്തതെന്നും അതിനാൽ നിരീക്ഷണത്തിൽ പോകുകയാണെന്നും വിഎം സുധീരൻ അറിയിക്കുകയും ചെയ്തു. തുടര്‍ന്ന് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്.