വയനാട് മരംകൊള്ള: വിജിലൻസ് അന്വേഷണം പ്രഖ്യാപിക്കണമെന്ന് കേരള കോൺഗ്രസ് ജേക്കബ് വിഭാഗം

സംഭവത്തിലെ ഉന്നതല ഗൂഡാലോചനയും രാഷ്ട്രീയ ഉദ്യോഗസ്ഥ തല ബന്ധവും പുറത്ത് കൊണ്ടുവരണമെന്ന് കേരള കോൺഗ്രസ്സ് ജേക്കബ് വിഭാ​ഗം സംസ്ഥാന വർക്കിംഗ് ചെയർമാൻ എം സി സെബാസ്റ്റ്യന്‍ ആവശ്യപ്പെട്ടു.

വയനാട്: വയനാട് മുട്ടിൽ മരം കൊള്ള സംബന്ധിച്ച് സർക്കാർ വിജിലൻസ് അന്വേഷണം പ്രഖ്യാപിക്കണമെന്ന് കേരള കോൺഗ്രസ് ജേക്കബ് വിഭാഗം. കോടി കണക്കിന് രൂപയുടെ മരം കൊള്ളയും തട്ടിപ്പും നടത്തിയവരെ രക്ഷിക്കാനും പാവപ്പെട്ട നിരക്ഷരായ ആദിവാസികളെയും കർക്ഷകരെയും കേസിൽ കുടുക്കാനുമുള്ള ഉന്നതല ഗൂഡാലോചനയും രാഷ്ട്രീയ ഉദ്യോഗസ്ഥ തല ബന്ധവും പുറത്ത് കൊണ്ടുവരണമെന്ന് കേരള കോൺഗ്രസ്സ് ജേക്കബ് വിഭാ​ഗം സംസ്ഥാന വർക്കിംഗ് ചെയർമാൻ എം സി സെബാസ്റ്റ്യന്‍ ആവശ്യപ്പെട്ടു.

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona