കർത്തയുടെ ഡയറിയിലെ 'തങ്ങൾ' ആര്? ലീ​ഗിനെതിരെ ചോദ്യവുമായി കെ.ടി. ജലീൽ

ഖലീൽ തങ്ങളും, ജിഫ്രി തങ്ങളും ആവാൻ സാധ്യതയില്ലെന്നും ജലീൽ ഫേസ് ബുക്ക് പോസ്റ്റിൽ കുറിച്ചു.

മലപ്പുറം: സിഎംആർഎൽ മേധാവി ശശിധരൻ കർത്തയിൽ നിന്ന് സംഭാവന കൈപ്പറ്റിയ തങ്ങൾ ആരെന്ന് മുൻമന്ത്രി കെ ടി ജലീൽ. ഷോൺ ജോർജ് പുറത്തുവിട്ട ലിസ്റ്റിൽ ആദ്യ പേര് ഇബ്രാഹിം കുഞ്ഞിന്റെതാണ്. അത് കഴിഞ്ഞ് തങ്ങൾ എന്നാണ്. ഇബ്രാഹിം കുഞ്ഞിന്റെ കെയറോഫിൽ പണം പറ്റിയ തങ്ങൾ ആരെന്ന് വ്യക്തമാക്കണമെന്നും കെ ടി ജലീൽ വ്യക്തമാക്കി. കേരളത്തിൽ അറിയപ്പെടുന്ന മൂന്ന് തങ്ങൾമാരാണുള്ളത്. ഒന്ന് ലീഗിൻ്റെ അധ്യക്ഷൻ, രണ്ട് സമസ്ത അധ്യക്ഷൻ ജിഫ്രി തങ്ങൾ, മൂന്ന് കേരള മുസ്ലീം ജമാഅത്ത് അധ്യക്ഷൻ ഖലീൽ തങ്ങൾ. ഖലീൽ തങ്ങളും, ജിഫ്രി തങ്ങളും ആവാൻ സാധ്യതയില്ലെന്നും ജലീൽ ഫേസ് ബുക്ക് പോസ്റ്റിൽ കുറിച്ചു.