മണ്ണന്തല രഞ്ജിത് വധക്കേസിലെ സാക്ഷിയുടെ വീട്ടിൽ അതിക്രമം; കൗൺസിലര്‍ സുഗതന്റെ സഹോദരൻ പൊലീസ് പിടിയിൽ

തിരുവനന്തപുരം ന​ഗരസഭ കൗൺസിലർ സുഗതൻ്റെ സഹോദരൻ സന്ദീപ് പൊലീസ് പിടിയിൽ. ആർഎസ്എസ് പ്രവർത്തകൻ മണ്ണന്തല രജ്ഞിത്ത് കൊലക്കേസിലെ സാക്ഷിയുടെ വീട്ടിൽ അതിക്രമിച്ചു കയറിയതിനാണ് പിടികൂടിയത്.

തിരുവനന്തപുരം: തിരുവനന്തപുരം ന​ഗരസഭ കൗൺസിലർ സുഗതൻ്റെ സഹോദരൻ പൊലീസ് പിടിയിൽ. സന്ദീപ് ആണ് പിടിയിലായത്. ഇന്നലെ രാത്രി ബിജെപി പ്രവർത്തകൻ്റെ വീട്ടിൽ അതിക്രമം നടത്തിയെന്ന പരാതിയിലാണ് ഇയാൾക്കെതിരെ കേസെടുത്തത്. ആർഎസ്എസ് പ്രവർത്തകൻ മണ്ണന്തല രജ്ഞിത്ത് കൊലക്കേസിലെ സാക്ഷിയുടെ വീട്ടിലാണ് അതിക്രമിച്ചു കയറിയത്. ഇതിൽ പ്രതിഷേധിച്ച് ബിജെപി വലിയ പ്രതിഷേധത്തിന് തയ്യാറെടുക്കുമ്പോഴാണ് സുഗതൻ്റെ സഹോദരനെ പൊലീസ് പിടികൂടിയത്. മദ്യ ലഹരിയിലായിരുന്ന സന്ദീപ് മുൻ പരിചയക്കാരൻ്റെ വീട്ടിൽ അതിക്രമിച്ചു കയറിയതാണെന്ന് പൊലിസ് പറയുന്നു. വഞ്ചിയൂർ പൊലിസാണ് കേസെടുത്തത്.