യു​ഗ് യു​ഗീൻ ഭാരത്; 3,230 കോടി രൂപ വകയിരുത്തി ലോകത്തിലെ ഏറ്റവും വലിയ മ്യൂസിയം നിർമിക്കാൻ കേന്ദ്ര സർക്കാർ, ഒരു ലക്ഷത്തിലധികം സ്ക്വയർ മീറ്റർ വിസ്തൃതി

ലോകത്തിലെ ഏറ്റവും വലിയ മ്യൂസിയം ദില്ലിയിൽ നിർമ്മിക്കാൻ കേന്ദ്രസർക്കാർ. നോർത്ത് സൗത്ത് ബ്ലോക്കുകളിലായി യു​ഗ് യു​ഗീൻ ഭാരത് എന്ന പേരിലാണ് മ്യൂസിയം സ്ഥാപിക്കാൻ കേന്ദ്രമന്ത്രിസഭാ യോ​ഗം തീരുമാനിച്ചത്.

ഡൽഹി: ലോകത്തിലെ ഏറ്റവും വലിയ മ്യൂസിയം ദില്ലിയിൽ നിർമ്മിക്കാൻ കേന്ദ്രസർക്കാർ. നോർത്ത് സൗത്ത് ബ്ലോക്കുകളിലായി യു​ഗ് യു​ഗീൻ ഭാരത് എന്ന പേരിലാണ് മ്യൂസിയം സ്ഥാപിക്കാൻ കേന്ദ്രമന്ത്രിസഭാ യോ​ഗം തീരുമാനിച്ചത്. 3,230 കോടി രൂപയാണ് ഇതിനായി വകയിരുത്തിയത്. ഭാരതതിന്‍റെ സമ്പന്ന പൈതൃകം പ്രദ‌ർശിപ്പിക്കുന്നതാകും മ്യൂസിയമെന്നും കേന്ദ്രമന്ത്രി അശ്വിനി വൈഷ്ണവ് വാർത്താ സമ്മേളനത്തിൽ പറഞ്ഞു. നോർത്ത് സൗത്ത് ബ്ലോക്കുകളിലെ ഓഫീസുകൾ നേരത്തെ പുതുതായി നിർമ്മിച്ച സേവാ തീർത്ഥിലേക്ക് മാറിയതാണ്, ഈ സാഹചര്യത്തിൽ നോർത്ത് സൗത്ത് ബ്ലോക്കുകൾ തുടർന്നും ഉപയോ​ഗപ്പെടുത്തുന്നതിന് കൂടിയാണ് പദ്ധതിയെന്നും മന്ത്രി പറഞ്ഞു.

ഒരു ലക്ഷത്തിലധികം സ്ക്വയർ മീറ്റർ വിസ്തൃതിയുള്ള ​ഗാലറിയായിരിക്കും യു​ഗ് യു​ഗീൻ മ്യൂസിയം. ലോകത്തിലെ ഏറ്റവും വലിയ മ്യൂസിയങ്ങളായ ലൂവ്ര് മ്യൂസിയത്തിന് 73000 സ്ക്വയർ മീറ്ററും ബ്രിട്ടീഷ് മ്യൂസിയത്തിന് 70000 സ്ക്വയർ മീറ്ററുമാണ് വിസ്തൃതി. ഒരു ദിവസം 30000 പേരും, ഒരു വർഷം ഒരുകോടിയോളം പേർക്കും സന്ദർശിക്കാനുള്ള സൗകര്യങ്ങൾ മ്യൂസിയത്തിലൊരുക്കുമെന്നും കേന്ദ്രമന്ത്രി വ്യക്തമാക്കി.