കടയ്ക്കൽ ഉത്സവത്തിലെ വിപ്ലവ ഗാനം ക്ഷേത്രത്തിന്‍റെ പവിത്രത കളങ്കപ്പെടുത്തിയെന്ന് ആക്ഷേപം ,ഹൈക്കോടതിയിൽ ഹർജി

കോടതിയലക്ഷ്യ നടപടി ആവശ്യപ്പെട്ടും ഹർജി.തിരുവിതാംകൂർ ദേവസ്വം ബോർഡ് സെക്രട്ടറി ,ക്ഷേത്രോൽസവ സമിതി ഭാരവാഹിയടക്കമുള്ളവരാണ് എതിർകക്ഷികൾ

എറണാകുളം: കടയ്ക്കൽ ദേവി ക്ഷേത്രോത്സവത്തിനിടയിൽ  വിപ്ലവ ഗാനം  പാടിയതിനെതിരെ ഹൈക്കോടതിയിൽ ഹർജി.ഉത്സവ ചടങ്ങിന്‍റെ  പവിത്രത കളങ്കപ്പെട്ടുവെന്നാണ് വാദം
കടയ്ക്കൽ ക്ഷേത്ര പരിസരം  രാഷ്ട്രീയ പ്രചരണത്തിനായി ഉപയോഗിക്കരുതെന്ന് നിർദേശം നൽകണമെന്ന് ഹര്‍ജിയില്‍ ആവശ്യപ്പെട്ടു.അഡ്വ.വിഷ്ണു സുനിൽ പന്തളമാണ് ഹർജിക്കാരൻ
സംഗീത പരിപാടിയ്ക്കിടെയായിരുന്നു 'വിപ്ലവ ഗാനവും കൊടി പ്രദർശിപ്പിക്കലും. ഹർജി ഹൈക്കോടതി ഇന്ന് പരിഗണിക്കും

സംഭവത്തില്‍ കോടതിയലക്ഷ്യ നടപടി ആവശ്യപ്പെട്ടും ഹർജി സമര്‍പ്പിച്ചിട്ടുണ്ട്.തിരുവിതാംകൂർ ദേവസ്വം ബോർഡ് സെക്രട്ടറി ,ക്ഷേത്രോൽസവ സമിതി ഭാരവാഹിയടക്കമുള്ളവരാണ് എതിർകക്ഷികൾ.മരട് സ്വദേശി എൻ.പ്രകാശാണ് ഹർജിക്കാരൻ.കടയ്ക്കൽ ക്ഷേത്രത്തിൽ നടന്നത് ഹൈക്കോടതി ഉത്തരവിന്‍റെ  ലംഘനമെന്ന് ഹർജിക്കാരൻ ആരോപിച്ചു