അമ്മയോടൊപ്പം ആശുപത്രിയിലേക്ക് പോയ പെണ്‍കുട്ടിയെ തട്ടിക്കൊണ്ട് പോകാന്‍ ശ്രമം

WEB DESK |  
Published : Jul 22, 2018, 07:19 PM ISTUpdated : Oct 02, 2018, 04:23 AM IST
അമ്മയോടൊപ്പം ആശുപത്രിയിലേക്ക് പോയ പെണ്‍കുട്ടിയെ തട്ടിക്കൊണ്ട് പോകാന്‍ ശ്രമം

Synopsis

കുട്ടിയുടെ കഴുത്തില്‍ ചുറ്റിപ്പിടിച്ച് ഓടാന്‍ ശ്രമിക്കുകയായിരുന്നു  പ്രതി

തിരുവനന്തപുരം:  തിരുവനന്തപുരത്ത് നഗരമധ്യത്തിൽ പട്ടാപകൽ എട്ടുവയസുകാരിയെ തട്ടിക്കൊണ്ട് പോകാൻ ശ്രമം. പൊലീസ് അന്വേഷണത്തില്‍ മാറനല്ലൂർ വെളിംകോഡ് ഗുരുസ്വാമി സ്മാരകത്തിന് സമീപം താമസിക്കുന്ന രാജു(47)  പിടിയിലായി. ശനിയാഴ്ച അമ്മയോടൊപ്പം ആയുര്‍വേദ കോളേജിലേക്ക് പോകുകയായിരുന്നു പെണ്‍കുട്ടി. ഇരുവരും ഒന്നിച്ച്   ആര്‍.എം.എസ് ഭാഗത്ത് ബസില്‍ നിന്നിറങ്ങി നടക്കവേയാണ് സംഭവം.

ഇവരുടെ പിന്നാലെയെത്തിയ പ്രതി കുട്ടിയുടെ കഴുത്തില്‍ ചുറ്റിപിടിച്ച് എടുത്തുകൊണ്ട് ഓടാന്‍ ശ്രമിച്ചു. കുട്ടിയുടെ അമ്മയുടെ നിലവിളി കേട്ട് നാട്ടുകാര്‍ ഓടിക്കൂടി. ഇതോടെ പ്രതി പെണ്‍കുട്ടിയെ ഉപേക്ഷിച്ച് കടന്നുകളഞ്ഞു. തമ്പാനൂര്‍ പൊലീസ് നടത്തിയ അന്വേഷണത്തില്‍ കൃപ തിയേറ്റര്‍ റോഡില്‍ നിന്ന് പ്രതിയെ പിടികൂടി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.


 

PREV
click me!

Recommended Stories

നിയന്ത്രണം വിട്ട സ്വകാര്യ ബസ് ദേശീയപാതയില്‍ നിന്നും തെന്നി മാറി
കോഴിക്കോട് സ്വകാര്യ ധനകാര്യ സ്ഥാപന ഉടമയുടെ കൊലപാതകം;പ്രതിയെ പിടികൂടിയത് ഇങ്ങനെ