ജനശദാബ്ദി എക്‌സ്‌പ്രസിന് നേരെ കല്ലേറ്; യാത്രക്കാരിക്ക് പരിക്ക്

യാത്രക്കാരിക്ക് പരിക്ക്

ആലപ്പുഴ: ജനശദാബ്ദി എക്‌സ്‌പ്രസിനുനേരെ നടന്ന കല്ലേറില്‍ യാത്രക്കാരിക്ക് പരിക്കേറ്റു. കാസര്‍ഗോഡ് കാഞ്ഞിരോടുകം കൊട്ടുകാപ്പെട്ടി ജോസഫിന്റെ ഭാര്യ മേഴ്‌സി(59)ക്കാണ് പരിക്കേറ്റത്. ഇന്ന് വൈകിട്ട് 5.40 ഓടെ ചെങ്ങന്നൂര്‍ ചെറിയനാട് റയില്‍വേ സ്‌റ്റേഷന് സമീപമാണ് സംഭവം. 

ഇവര്‍ കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സതേടി. സംഭവത്തില്‍ കോട്ടയം ആര്‍പിഎഫ് കേസെടുത്തു. ഒരു മധ്യവയസ്‌കനാണ് കല്ലെറിഞ്ഞതെന്നും അന്വേഷണം നടന്നുവരികയാണെന്നും ആര്‍പിഎഫ് അറിയിച്ചു.