വിളർച്ചയെ നിസാരമായി കാണേണ്ട; ലക്ഷണങ്ങളും കാരണങ്ങളും

മുതിർന്നവരെയും കുഞ്ഞുങ്ങളെയും ഒരുപോലെ ബാധിക്കുന്ന ഒന്നാണ് അനീമിയ അഥവാ വിളർച്ച. നിസാരമായി തള്ളിക്കളയാൻ പറ്റാത്ത ഒന്നാണ് അനീമിയ. ഇരുമ്പിന്റെ കുറവുമൂലം രക്തത്തിലെ ഹീമോഗ്ലോബിന്റെ കുറവാണ് വിളർച്ചയിലേക്ക് നയിക്കുന്നത്. ജങ്ക് ഫുഡ് വിഭാഗത്തിലുള്ള ഭക്ഷണങ്ങൾ വിളർച്ചയിലേക്ക് നയിക്കും.

രക്തത്തിലെ ഹീമോഗ്ലോബിന്റെ അളവ് സാധാരണയിലും കുറയുന്ന അവസ്ഥയാണ് അനീമിയ. ഇരുമ്പിന്റെ കുറവുമൂലം രക്തത്തിലെ ഹീമോഗ്ലോബിന്റെ കുറവാണ് വിളർച്ചയിലേക്ക് നയിക്കുന്നത്. ആവശ്യമായ സമയത്ത് ആവശ്യമായ അളവിൽ ഇരുമ്പ് അടങ്ങിയ സമീകൃതാഹാരം ശരീരത്തിൽ എത്താത്തതാണ് പോഷകാഹാരക്കുറവിന്റെയും അമിതപോഷണത്തിന്റെയും പ്രധാന കാരണം. ഇതുമൂലമുണ്ടാകുന്ന വിളർച്ചയാകട്ടെ വ്യക്തിയുടെ പ്രവർത്തനക്ഷമത, ഉൗർജം, ഉന്മേഷം, കാര്യപ്രാപ്തി എന്നിവ ഇല്ലാതാക്കുകയും ചെയ്യും. 

ഇരുമ്പ്, ആന്റി– ഓക്സിഡന്റുകൾ, ജീവകങ്ങൾ, തുടങ്ങിയ പോഷകങ്ങൾ നിറഞ്ഞ ആഹാരങ്ങൾ ധാരാളം കഴിക്കുക. ജങ്ക് ഫുഡ് വിഭാഗത്തിലുള്ള ഭക്ഷണങ്ങൾ വിളർച്ചയിലേക്ക് നയിക്കും. രണ്ടു തരം ഇരുമ്പുകളാണ് ശരീരത്തിന് ആവശ്യം: ഹീം അയണും നോൺ ഹീം അയണും. ഇതിൽ ആദ്യത്തെ ഇനം ഇറച്ചി വിഭവങ്ങളിൽനിന്ന് ലഭിക്കുമ്പോൾ രണ്ടാമത്തേത് സസ്യങ്ങളിലാണ് അടങ്ങിയിരിക്കുന്നത്. 

ഇരുമ്പ് അടങ്ങിയ ഭക്ഷണങ്ങൾ ധാരാളം കഴിക്കുക. ഹീമോഗ്ലോബിന്റെ ഉൽപാദനത്തിന് അയേണും പ്രോട്ടീനും ആവശ്യമാണ്. അതുപോലെ തന്നെ ഫോളിക് ആസിഡിന്റെ കുറവും അനീമിയയ്ക്ക് കാരണമാകുന്നുണ്ട്. ബീറ്റ്റൂട്ടിൽ ഫോളിക് ആസിഡ് അടങ്ങിയിട്ടുള്ളതിനാൽ അവ ഭക്ഷണത്തിൽ ഉൾപ്പെടുത്തുന്നത് നന്നായിരിക്കും. ഓറഞ്ച്, തക്കാളി, കൈതച്ചക്ക, സ്ട്രോബറി എന്നിവയും കഴിക്കുന്നത് വളരെ നല്ല ഫലം നൽകും.

ലക്ഷണങ്ങൾ ഇവയൊക്കെ...

1.അമിതമായ ക്ഷീണം
2. തലച്ചുറ്റൽ
3. കാലുകളിലെ നീര്
4. നടക്കുമ്പോൾ കിതപ്പ്