നിങ്ങൾ അമിതമായി ഉറങ്ങുന്നവരാണോ, സൂക്ഷിക്കുക ഈ അസുഖങ്ങൾ പിടിപ്പെടും

അമിതമായി ഉറങ്ങിയാൽ പക്ഷാഘാതം ഉണ്ടാകുമെന്ന് പഠനം

ഉറങ്ങാൻ ഇഷ്ടപ്പെടാത്തവരായി ആരുമില്ല. ക്യത്യമായി ഉറങ്ങുന്ന സമയങ്ങളിൽ ഉറങ്ങാൻ പറ്റിയില്ലെങ്കിൽ ചിലർക്ക് തലവേദന,ഛർദി അങ്ങനെ പലതും ഉണ്ടാകാറുണ്ട്. അമിതമായി ഉറങ്ങുന്നവരാണ് ഇന്നധികവും.   

അമിത ഉറക്കത്തെ സംബന്ധിച്ച് അടുത്തിടെ സീയോൾ നാഷണൽ യൂണിവേഴ്സിറ്റി കോളേജ് ഓഫ് മെഡിസിൻ ഒരു പഠനം നടത്തിയിരുന്നു. സ്ത്രീയായാലും പുരുഷനായാലും ഏഴ് മണിക്കൂർ ഉറങ്ങിയിരിക്കണമെന്നാണ് പഠനത്തിൽ പറയുന്നത്.

 പുരുഷന്മാരിൽ ആറ് മണിക്കൂർ പോലും ഉറങ്ങാത്തവരുണ്ട്. ഉറങ്ങിയില്ലെങ്കിലും അസുഖം പിടിപ്പെടാമെന്ന് ​ഗവേഷകർ ചൂണ്ടിക്കാട്ടുന്നു. മെറ്റബോളിക് സിൻഡ്രോം, ഉയർന്ന അരക്കെട്ട് എന്നിവ ഉണ്ടാകാൻ സാധ്യത ഉണ്ടെന്നാണ് പഠനത്തിൽ വ്യക്തമാക്കുന്നത്. 6 മണിക്കൂറിൽ കുറവ് ഉറങ്ങുന്ന സ്ത്രീകൾക്ക് ഉയർന്ന അരക്കെട്ട്, രക്തസമ്മർദ്ദം എന്നിവ ഉണ്ടാകാൻ സാധ്യതയുണ്ടെന്ന് പഠനത്തിൽ പറയുന്നു.

10 മണിക്കൂർ കൂടുതൽ ഉറങ്ങുന്ന സ്ത്രീകൾക്കും പുരുഷന്മാർക്കും കൊള്സ്ട്രോൾ, പക്ഷാഘാതം, രക്തത്തിൽ ഷു​ഗർ പോലുള്ള അസുഖങ്ങൾ പിടിപ്പെടാൻ സാധ്യതയുണ്ടെന്ന് പഠനത്തിൽ പറയുന്നു.11% പുരുഷന്മാരും 13% സ്ത്രീകളും ആറു മണിക്കൂറിൽ താഴെ ഉറങ്ങുന്നവരാണെന്ന് ​ഗവേഷകർ ചൂണ്ടിക്കാട്ടുന്നു.

 1.5% പുരുഷന്മാരും 1.7% സ്ത്രീകളും പത്ത് മണിക്കൂറിലധികം ഉറങ്ങുന്നുവരാണെന്നും പഠനം വ്യക്തമാക്കുന്നു. അമിതമായി ഉറങ്ങുന്നതിലൂടെ വന്ധ്യത,പക്ഷാഘാതം, വിഷാദരോഗം പോലെയുള്ള മറ്റ് അസുഖങ്ങൾ ഉണ്ടാകാൻ സാധ്യതയുണ്ടെന്ന് പഠനത്തിൽ പറയുന്നു.