രാവിലെ നാരങ്ങാ വെള്ളം കുടിച്ചാലുളള അഞ്ച്​ ഗുണങ്ങൾ

രാവിലെ നേരത്തെ എഴുന്നേൽക്കുന്നവർ വൈകി എഴുന്നേൽക്കുന്നവരെ അപേക്ഷിച്ച്​ കൂടുതൽ ആരോഗ്യവാൻമാരായിരിക്കാറുണ്ട്​. എന്നാൽ  നിങ്ങൾ ആഗ്രഹിക്കുന്ന പ്രകാരം  നേരത്തെ എഴുന്നേൽക്കാൻ സാധിക്കാറുണ്ടോ​?  ഇല്ല എന്നാകും ഉത്തരം. നിങ്ങൾ രാവിലെ ആദ്യം നുകരുന്ന പാനീയവും ഭക്ഷണവും നല്ലതാണെങ്കിൽ അവ മികച്ച തുടക്കത്തിന്​ വഴിയൊരുക്കും.

രാവിലെ ഒരു ഗ്ലാസ്​ ചെറുനാരങ്ങാ വെള്ളത്തിൽ തുടങ്ങുന്നത്​ നിങ്ങളുടെ മൊത്തം ആരോഗ്യത്തിന്​ ഗുണകരമാ​ണെന്ന്​ ലോകമെമ്പാടുമുള്ള ആരോഗ്യവിദഗ്​ദർ അഭിപ്രായപ്പെടുന്നു.  നാരങ്ങയിൽ അടങ്ങിയിരിക്കുന്ന അഞ്ച്​ അത്​ഭുതങ്ങൾ എന്താണെന്ന്​ പരിശോധിക്കാം:

നിങ്ങൾ ശരീരഭാരം കൂടുതലുള്ളവരാണെങ്കിൽ പ്രഭാതങ്ങൾ ​ക്ലേശകരമായിരിക്കും. അമിതഭാരം കുറക്കാൻ പറ്റിയ ഏറ്റവും മികച്ച സമയം രാവിലെയാണ്​. തിളപ്പിച്ചാറിയ വെള്ളത്തിൽ ഏതാനും തുള്ളി നാരങ്ങ നീര്​ കലർത്തി കുടിക്കാം. ശരീരത്തി​ന്‍റെ പോഷണ പ്രവർത്തനം നന്നായി ഉയരുമെന്ന്​ വിദഗ്​ദർ അഭിപ്രായപ്പെടുന്നു. ശരീരത്തിൽ നിന്ന്​ കൂടുതൽ  ​കലോറി എരിഞ്ഞുപോയാൽ മാത്രമേ അമിതഭാരം കുറയാൻ സഹായകമാവുകയുള്ളൂ.  

രാവിലെ നാരങ്ങാവെള്ളം കുടിക്കുന്നത്​ ശരീരത്തിലെ ആന്‍റി ഒാക്​സിഡന്‍റ്​ പ്രവർത്തനങ്ങൾക്ക്​ ശക്​തി പകരും. നാരങ്ങ വിറ്റാമിൻ സി യാൽ സമ്പന്നമാണ്​. ഇത്​ ആന്‍റി ഒാക്​സിഡന്‍റ്​ പ്രവർത്തനങ്ങളെ സഹായിക്കുകയും ചർമ സംരക്ഷണം, രോഗപ്രതിരോധ ശേഷി, ഡി.എൻ.എ​യെ നാശത്തിൽ നിന്ന്​ സംരക്ഷിക്കൽ എന്നിവക്ക്​ ഫലപ്രദമാണ്​. നിങ്ങളിലെ പ്രായമാകൽ പ്ര​ക്രിയയെ ഇത്​ മന്ദഗതിയിലാക്കും. കാൻസർ, ഹദ്രോഗസാധ്യതകൾ എന്നിവയിൽ നിന്ന്​ പ്രതിരോധമൊരുക്കാനും രാവിലെ നാരങ്ങ വെള്ളം കുടിക്കുന്നതിലൂടെ സാധിക്കും. 

ഒ​ട്ടേറെ പഠനങ്ങളിൽ നാരങ്ങാവെള്ളം രാവിലെ കുടിക്കുന്നത്​ വൃക്കയിലെ കല്ലിന്​ നിയന്ത്രണം വരുത്താൻ സാധിക്കുമെന്ന്​ കണ്ടെത്തിയിട്ടുണ്ട്​. മൂത്രമൊഴിക്കുന്നതിലുണ്ടാകുന്ന പ്രശ്​നങ്ങൾ വൃക്കയിൽ കല്ലുണ്ടാകാനുള്ള കാരണങ്ങളിലൊന്നാണ്​.  നാരങ്ങയിൽ അടങ്ങിയിരിക്കുന്ന സിട്രിക്​ ആസിഡ്​ മൂത്രത്തെ ശരീരത്തിൽ നിന്ന്​ പൂർണമായും ഒഴിവാക്കുന്നതിനും അതുവഴി വൃക്കയിൽ കല്ലുണ്ടാകുന്നതിനെ പ്രതിരോധിക്കുകയും ചെയ്യുന്നു.

നാരങ്ങയിലെ അമ്ലത്വം നിങ്ങളുടെ ശരീരത്തിലെ വിഷാംശങ്ങൾ പുറന്തള്ളാൻ സഹായകമാണ്​. നാരങ്ങാവെള്ളം കരളിനെ കൂടുതൽ പിത്തരസം ഉൽപ്പാദിപ്പിക്കാൻ സഹായിക്കുകയും അതുവഴി ദഹനം വേഗത്തിലാക്കുകയും ചെയ്യും. നെഞ്ചരിച്ചിൽ, പുളിച്ചുതികട്ടൽ, വയർ വീർക്കുന്നത്​ എന്നിവക്കെല്ലാം നാരങ്ങാവെള്ളം പ്രതിവിധിയാണ്​. 

ഉൽസാഹം നൽകുന്ന മണംആസ്വദിച്ച്​ ഉണരുന്നത്​ നിങ്ങളുടെ പ്രഭാതങ്ങളെ പ്രകാശമാനമാക്കും. മികച്ച മണം നിങ്ങളുടെ ആശങ്കകൾ, വിഷാദം എന്നിവക്ക്​ പ്രതിവിധിയാണ്​. നിങ്ങൾ രാവിലെ ആഗ്രഹിക്കുന്നതിലും ഉൗർജത്തോടെ ആരംഭിക്കാൻ നാരങ്ങാവെള്ളം സഹായിക്കും.