ജനനത്തില്‍ ഒന്നിച്ചവര്‍ ഇനി ജീവിതത്തിലും ഒരുമിച്ച്

27 വർഷം മുമ്പ്​ ഒരേ ദിവസം ഒരേ ആശുപത്രിയിൽ പിറന്നവർ ജീവിത പങ്കാളികളായി മിന്നുചാർത്തി. മസാച്ചുസെറ്റ്​ ആശുപത്രിയിൽ പിറന്ന ബൈറോസും ജസീക്ക ഗോമസുമാണ്​ കഴിഞ്ഞ മാസം ജീവിത പങ്കാളികളായത്​. 1990 ഏപ്രിൽ 28നാണ്​ ഇരുവരും മോർട്ടൻ ഹോസ്​പിറ്റലിൽ ജനിച്ചത്​. സിറ്റിയിലെ താര​തമ്യേന ചെറിയ ഹോസ്​പിറ്റലിലാണ്​ ഇരുവരും പിറന്നതെന്ന്​ ബൈറോസ്​ പറയുന്നു. ഇരുവരുടെയും അമ്മമാർ അന്ന്​ പരസ്​പരം കണ്ടതായി ഒാർക്കുന്നുമുണ്ട്​. 

ജനനം കഴിഞ്ഞ്​ അൽപ്പസമയത്തിന്​ ശേഷം ഇരുവരും ആശുപത്രിയിൽ  ഒന്നിച്ചുള്ള ഫോട്ടോ ഉണ്ടെങ്കിലും തിരിച്ചറിയാനാവാത്ത വിധം മങ്ങിയ നിലയിലാണ്​. ഇവരുടെ സമുദായവും ചെറുതാണ്​. ഹൈസ്​കൂൾ പഠനകാലത്ത്​ വീണ്ടും കണ്ടുമുട്ടിയത്​ ഇരുവരും സൗഹൃദത്തിലാവുകയും പിന്നീട്​ ഇത്​ തുടരുകയും ഒന്നിച്ചു കറങ്ങാൻ പോവുകയും ചെയ്​തുതുടങ്ങിയെന്നും ബൈറോസ്​ പറയുന്നു. ​ഒരേസമയത്ത്​ ജനിച്ചതും ജീിവത പങ്കാളികൾ ആയതിനെക്കുറിച്ചും ‘വിധിയാകുമെന്നാണ്​ ഗോമസ്​ കരുതുന്നത്​.