ചിക്കൻപോക്സ്; ശ്രദ്ധിക്കേണ്ട ചില കാര്യങ്ങൾ
Synopsis
വേനൽക്കാലത്ത് ഏറ്റവും കൂടുതൽ സൂക്ഷിക്കേണ്ട അസുഖങ്ങളിലൊന്നാണ് ചിക്കൻപോക്സ്. അന്തരീക്ഷത്തില് പടരുന്ന കീടാണുക്കളില് നിന്നും പകരുന്ന അസുഖമാണ് ചിക്കന്പോക്സ്.പനിയ്ക്കൊപ്പം തന്നെ ഛര്ദ്ദി,തലവേദന ശരീരവേദന ,തലകറക്കം, ക്ഷീണം, വിശപ്പില്ലായ്മ ശരീരത്തില് അസഹനീയ ചൊറിച്ചില് തുടങ്ങിയവയും ചിക്കന് പോക്സിന്റെ മറ്റ് ലക്ഷണങ്ങളാണ്. പത്തു മുതല് 20 ദിവസം വരെയാണ് ചിക്കന്പോക്സ് പിടിപെടുക. വാരിസെല്ലാ സോസ്റ്റര് എന്ന വൈറസാണ് ചിക്കന് പോക്സിന് കാരണം.
വേനൽക്കാലത്ത് ഏറ്റവും കൂടുതൽ സൂക്ഷിക്കേണ്ട അസുഖങ്ങളിലൊന്നാണ് ചിക്കൻപോക്സ്. അന്തരീക്ഷത്തില് പടരുന്ന കീടാണുക്കളില് നിന്നും പകരുന്ന അസുഖമാണ് ചിക്കന്പോക്സ്. അതീവ ശ്രദ്ധയോടെയും കരുതലോടെയും വേണം ചിക്കന്പോക്സിനെ പ്രതിരോധിക്കാൻ. ശരീരത്തില് കുമിളകളായാണ് ചിക്കന്പോക്സ് വരുന്നത്.
ആദ്യം ചെറിയ കുരുവായും പിന്നീട് അത് ഒരു തരം ദ്രാവകം നിറഞ്ഞ കുമിളകാളായും മാറുന്നു. പലരിലും ചിക്കന്പോക്സ് വരുന്നത് വ്യത്യസ്ഥമായിട്ടായിരിക്കും. ഇക്കാരണത്താല് തന്നെ ചിക്കന്പോക്സിന് പൊതുവായ ഒരു സ്വഭാവം പറയാന് കഴിയില്ല. രോഗത്തെ ആദ്യ അവസരങ്ങളില് മനസിലാക്കാന് കഴിയാതെ പോകുന്നത് രോഗത്തിന്റെ തീവ്രത വര്ദ്ധിപ്പിക്കുന്നു.
ശരീരത്തില് അസാധാരണമായി ചെറിയ കുരുക്കള് പൊന്തുകയും അതിനൊപ്പം ശരീര താപനിലയില് വ്യത്യാസമുണ്ടാകുകയും ചെയ്താല് നിങ്ങള് ചിക്കന് പോക്സിനുള്ള പ്രാരംഭഘട്ട പ്രതിരോധ മാര്ഗ്ഗങ്ങള് സ്വീകരിക്കാറായി എന്നര്ത്ഥം. പനിയ്ക്കൊപ്പം തന്നെ ഛര്ദ്ദി,തലവേദന ശരീരവേദന തലകറക്കം ക്ഷീണം വിശപ്പില്ലായ്മ ശരീരത്തില് അസഹനീയ ചൊറിച്ചില് തുടങ്ങിയവയും ചിക്കന് പോക്സിന്റെ മറ്റ് ലക്ഷണങ്ങളാണ്. പത്തു മുതല് 20 ദിവസം വരെയാണ് ചിക്കന്പോക്സ് പിടിപെടുക. വാരിസെല്ലാ സോസ്റ്റര് എന്ന വൈറസാണ് ചിക്കന് പോക്സിന് കാരണം.
ശ്രദ്ധിക്കേണ്ട കാര്യങ്ങള്…
- ഇളം ചൂടുവെള്ളത്തില് ദിവസവും കുളിയ്ക്കുക.
- ശരീരത്തില് ഉണ്ടാകുന്ന കുമിളകള് തൊടുകയോ പൊട്ടിക്കുകയോ ചെയ്യരുത്.
- മതിയായ വിശ്രമം, രോഗം തുടങ്ങി ആദ്യ ദിനം മുതല് കൃത്യമായ വിശ്രമ രീതി സ്വീകരിക്കണം.
- എളുപ്പത്തില് പകരുന്ന രോഗമായതു കൊണ്ട് രോഗികള് കുട്ടികള്, ഗര്ഭിണികള്, വൃദ്ധര് എന്നിവരുമായുള്ള സമ്പര്ക്കം ഒഴിവാക്കുക.
- കോട്ടണ് വസ്ത്രങ്ങള് ധരിക്കുക.
- എണ്ണ, എരിവ്,പുളി തുടങ്ങിയവ അടങ്ങിയ ഭക്ഷണങ്ങള് ഒഴിവാക്കുക.
- കുളിക്കുന്ന വെള്ളത്തില് ആരിവേപ്പില ഇട്ട് തിളപ്പിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam