പച്ച ആപ്പിള്‍ കഴിച്ചാലുളള അഞ്ച് ഗുണങ്ങള്‍

സാധാരണ കാണുന്ന ചുവന്ന ആപ്പിളുകളെക്കുറിച്ച്​ കേൾക്കു​മ്പോള്‍ പച്ച ആപ്പിളുകൾ നമ്മുടെ ശ്രദ്ധയിൽവരാറില്ല. ചുവന്ന ആപ്പിളുകൾ പോലെ തന്നെ പച്ചയും ആരോഗ്യദായകമാണ്​. എന്നിരുന്നാലും പച്ച ആപ്പിളുകൾക്ക്​ രുചിയിൽ അൽപ്പം പുളിയും മധുരവുമാണ്​.  

ആരോഗ്യത്തിനും സൗന്ദര്യകാര്യങ്ങളിലും പച്ച ആപ്പിളിന്​ ഗുണങ്ങളേറെയുണ്ട്​. പോഷകങ്ങൾ, ഫൈബർ, ധാതുക്കൾ, വിറ്റമാനുകൾ എന്നിവയാൽ സമ്പന്നമാണ്​. പച്ച ആപ്പിളിന്‍റെ അഞ്ച്​ അത്​ഭുത ഗുണങ്ങൾ ഇതാ:

ഉയർന്ന ഫൈബർ സാന്നിധ്യം ശരീരത്തിലെ പോഷണത്തെ വർധിപ്പിക്കുന്നു. ആപ്പിൾ കഴിക്കു​മ്പോള്‍ തൊലി കളയരുത്​. തൊലിയോടെ ആപ്പിൾ കഴിക്കുന്നതാണ്​ ശരീരത്തിന്​ ഉത്തമം. ഉയർന്ന ഫൈബർ സാന്നിധ്യം ആപ്പിൾ ശരീരത്തിലെ വിഷമുക്​തമാക്കൽ ജോലി കൂടി നിർവഹിക്കുന്നു. കരളിനെയും ദഹന വ്യവസ്​ഥയെയും അപകടകരമായ വസ്​തുക്കളിൽ നിന്ന്​ സുരക്ഷിതമാക്കാനും ആപ്പിൾ സഹായിക്കുന്നു. 

പച്ച ആപ്പിളുകളിലെ കുറഞ്ഞ കൊഴുപ്പ്​ ശരീരത്തിലെ മികച്ച രക്​തചംക്രമണത്തിന്​ സഹായിക്കുന്നു. രക്​തചംക്രമണം വർധിക്കുന്നത്​ ഹൃ​ദ്രോഗ, പക്ഷാഘാത സാധ്യതകൾ ഇല്ലാതാക്കുന്നു. വിറ്റാമിൻ കെ കൂടുതലുള്ളതിനാൽ രക്​തം കട്ടപ്പിടിക്കുന്നതിനും പച്ച ആപ്പിൾ കഴിക്കുന്നത്​ സഹായകമാണ്​.  

പച്ച ആപ്പിൾ വിറ്റാമിൻ എ, സി എന്നിവയാൽ സമ്പന്നമാണ്​. ചർമ കോശങ്ങളുടെ നാശത്തെ വിറ്റാമിൻ സി തടയും. ചർമത്തിലുണ്ടാകുന്ന ക്യാന്‍സറിനുള്ള സാധ്യതയെ തടയുകയും ചെയ്യും. വിറ്റാമിൻ എയുടെ സാന്നിധ്യം കാഴ്​ച​ ശക്​തിയെ സഹായിക്കും.  

പച്ച ആപ്പിൾ കാൽസ്യത്തി​ന്‍റെ സാന്നിധ്യത്താൽ സമ്പന്നമാണ്​. എല്ലാ ദിവസവും പച്ച ആപ്പിൾ കഴിക്കുന്നത്​ എല്ലുകളുടെയും പല്ലി​ന്‍റെയും ബലം വർധിപ്പിക്കും. 

ചർമത്തി​ന്‍റെ പുഷ്​ടിയെ നിലനിർത്താനും അതുവഴി സൗന്ദര്യം സംരക്ഷിക്കാനും പച്ച ആപ്പിൾ കഴിക്കുന്നത്​ സഹായകമാണ്​. ശരീരത്തിലുണ്ടാകുന്ന ഇരുണ്ട കലകളെ ഇല്ലാതാക്കാനും ഇവ സഹായകം.