ചോക്ലേറ്റ് ലിപ് ബാം വീട്ടിലുണ്ടാക്കാം

മൂന്ന് മണിക്കൂർ കൊണ്ട് ചോക്ലേറ്റ് ലിപ് ബാം വീട്ടിൽ ഈ സാധനങ്ങളുണ്ടെങ്കിൽ ലിപ് ബാം ഉണ്ടാക്കാം

സ്ത്രീകൾ എല്ലാവരും ലിപ് ബാം ഉപയോ​ഗിക്കുന്നവരാണ്. വ്യത്യസ്ത നിറങ്ങളിലും സു​ഗന്ധത്തിലുമുള്ള ലിപ് ബാമുകൾ വിപണികളിൽ സജീവമാണ്. എന്നാൽ പുറത്ത് നിന്ന് വാങ്ങുന്ന ലിപ് ബാമിൽ കൂടുതലും രാസപദാർത്ഥങ്ങൾ ചേർത്താണ് വിപണിയിലെത്തുന്നത്.  മറ്റ് രാസപദാർത്ഥങ്ങളൊന്നും ചേർക്കാതെ വീട്ടിൽ തന്നെ ലിപ് ബാം ഉണ്ടാക്കാൻ സാധിക്കും.

ഇന്ന് വിപണികളിൽ കൂടുതലായി കണ്ട് വരുന്നത് ചോക്ലേറ്റ് ലിപ് ബാമാണ്. വെറും മൂന്ന് മണിക്കൂർ കൊണ്ട് വീട്ടിൽ തന്നെ ചോക്ലേറ്റ് ലിപ് ബാം ഉണ്ടാക്കാൻ സാധിക്കും. ചോക്ലേറ്റ് ലിപ് ബാം ഉണ്ടാക്കുന്ന വിധം എങ്ങനെയാണെന്നോ. ചോക്ലേറ്റ് ലിപ് ബാം ഉണ്ടാക്കാൻ വേണ്ട ചേരുവകൾ താഴെ ചേർക്കുന്നു:

മെഴുക് - 1 ടീ സ്പൂൺ

 വെളിച്ചെണ്ണ - 1/8  ടീ സ്പൂൺ

 ഷീ ബട്ടർ ( ആഫ്രിക്കയിൽ മാത്രം കണ്ട്
 വരുന്ന ഒരുതരം ഫലം)- 1/2  ടീ സ്പൂൺ

കൊക്കോ ബട്ടർ - 1/2 ടീ സ്പൂൺ 

തേൻ - 1/2 ടീ സ്പൂൺ 

കൊക്കോ പൗഡർ - 1 ടീ സ്പൂൺ 

വിറ്റാമിൻ ഒായിൽ - 1/8 ടീ സ്പൂൺ

 കർപ്പുര തെെലം - 3 തുള്ളി

ഉണ്ടാക്കുന്ന വിധം ഇങ്ങനെ:

ആദ്യം ഷീ ബട്ടറും കൊക്കോ ബട്ടറും വെളിച്ചെണ്ണയും ഒരുമിച്ച് ചേർത്ത് ചൂടാക്കുക. പാത്രത്തിന്റെ അടിയിൽ പിടിക്കാതെ നോക്കണം. 20 മിനിറ്റ് ഇളക്കി കൊടുക്കുകയും വേണം. ചൂടായി കഴിഞ്ഞാൽ മെഴുക് ചേർത്ത് വീണ്ടും ഇളക്കുക. മെഴുക് പൂർണമായി ഉരുകിയ ശേഷം തണുപ്പിക്കാൻ വയ്ക്കുക. തണുത്ത ശേഷം വിറ്റാമിൻ ഓയിലും തേനും കൊക്കോ പൗ‌‌ഡറും ചേർത്ത് ഇളക്കുക. മൂന്ന് മണിക്കൂർ കഴിഞ്ഞ് കട്ടിയായ ശേഷം ഉപയോ​ഗിക്കാം.ചുണ്ടുകൾക്ക് ഭം​ഗി കൂട്ടുന്നതിനുള്ള ചോക്ലേറ്റ് ലിപ് ബാം തയ്യാറായി.