ബൂക്കോ സാലഡ് തയ്യാറാക്കാം

ഫിലിപ്പീൻസുകാരുടെ പരമ്പരാഗത ഫ്രൂട്ട് സാലഡ് ആണ് ബൂക്കോ സാലഡ്. ബൂക്കോ എന്നാൽ കരിക്ക് എന്നാണർത്ഥം . വീട്ടിൽ വളരെ പെട്ടെന്ന് ഉണ്ടാക്കാൻ പറ്റുന്നതാണ് ബൂക്കോ സാലഡ്. വ്യത്യസ്ത രുചിയുള്ള ഈ ഫ്രൂട്ട് സാലഡ് ഉണ്ടാക്കുന്നത് എങ്ങനെയെന്ന് നോക്കാം.   

ഉണ്ടാക്കാൻ വേണ്ട ചേരുവകൾ...

നെസ്റ്റിലെ ടേബിൾ ക്രീം (nestle table cream ) :                                  അര ടിൻ
മിൽക്ക് മെയിഡ്                                                                                   1/2 ടിൻ
ഇളം കരിക്ക് നീളത്തിൽ  മുറിച്ചത്                                                   1 കപ്പ്
ചിങ്ങൻ പഴം ചെറുതായി മുറിച്ചതു                                                 1 എണ്ണം
ആപ്പിൾ ചെറുതായി മുറിച്ചത്                                                            പകുതി
മുന്തിരിങ്ങ ചെറുതായി മുറിച്ചത്                                                      10  എണ്ണം 
മാങ്ങ ചെറുതായി മുറിച്ചത്                                                              അര കപ്പ്
മാതള നാരങ്ങാ                                                                           2 ടേബിൾസ്പൂൺ 
ട്യൂട്ടി ഫ്രുയ്‌റ്റി                                                                                1 ടേബിൾസ്പൂൺ

തയ്യാറാക്കുന്ന വിധം...

ആദ്യം ടേബിൾ ക്രീമും മിൽക്ക് മെ‍യിഡും നന്നായി കൂട്ടി യോജിപ്പിക്കുക.

ഇനി ഇതിലേക്ക് അരിഞ്ഞു വെച്ചിരിക്കുന്ന കരിക്കും മറ്റു പഴങ്ങളും ചേർത്ത്  കൊടുക്കുക.

ശേഷം ഫ്രിഡ്ജിൽ വെച്ച് തണുപ്പിച്ചു കഴിക്കാം.