ചെറുനാരങ്ങ കേടുകൂടാതിരിക്കാൻ ആറ്​ മാർഗങ്ങൾ

ഭക്ഷണത്തിൽ ചെറുനാരങ്ങയുടെ ഇടം ചെറുതല്ല. രുചിയിലും ശരീരത്തിൽ  ഇൗർപ്പം നിലനിർത്താൻ സഹായിക്കുന്നതിലും ഇവ ചെറുതല്ലാത്ത പങ്കുവഹിക്കുന്നു. ഗുണത്തിൽ അമ്ലഗുണമാണെങ്കിലും നേരാംവണ്ണം സൂക്ഷിച്ചുവെച്ചില്ലെങ്കിൽ ചെറിയ സമയത്തിനുള്ളിൽ ഇവ ഉപയോഗശൂന്യമാകും. പുറംന്തോടിലെ ഇൗർപ്പം നഷ്​ടപ്പെടുകയും അവയിലെ കറുത്ത പാടുകൾ വികസിക്കാൻ തുടങ്ങുകയും അതുവഴി അഴുകാനും തുടങ്ങും. 

പുറംന്തോടിലുണ്ടാകുന്ന പാടുകൾ അവയിലെ ഇൗർപ്പം നഷ്​ടപ്പെടുത്തുകയും പതിയെ ഉണങ്ങാനും അതുവഴി രുചി നഷ്​ടപ്പെടാനും കാരണമാകുന്നു.  ചെറുനാരങ്ങ കൂടുതൽ ദിവസം കേടുകൂടാതെ സൂക്ഷിക്കാൻ ഏതാനും വഴികൾ ഇതാ: 

1. എപ്പോഴും സിപ്​ലോക്ക്​ ബാഗുകളിൽ കെട്ടിവെക്കാന ശ്രമിക്കുക. ഇതുവഴി കൂടുതൽ വായുകടക്കാതെയിരിക്കും. ചെറുനാരങ്ങയുടെ രുചിയും ജലാംശവും നാലാഴ്​ചവരെ നിലനിർത്താൻ ഇതുസഹായിക്കും.

2. രണ്ട്​ കഷ്​ണങ്ങളായി മുറിക്കുന്ന ചെറുനാരങ്ങയിൽ ഒരു ഭാഗം മാത്രം ഉപയോഗിച്ചാൽ മറ്റേ കഷ്​ണം സുരക്ഷിതമായി സൂക്ഷിക്കാനും വഴിയുണ്ട്​. അവശേഷിക്കുന്ന കഷ്​ണം ഒരു പാത്രത്തിലാക്കി അതിന്​ പ്ലാസ്​റ്റിക്​ കൊണ്ട്​ മൂടിക്കെട്ടുക. വായുകടകക്കാത്ത പാത്രത്തിലാക്കി റഫ്രിജറേറ്ററിൽ സൂക്ഷിക്കുക.  

3. ജ്യൂസാക്കി മാറ്റിയ നാരങ്ങ സൂക്ഷിക്കുമ്പോള്‍ മുറിയിലെ ഉൗഷ്​മാവ്​ പരിശോധിക്കണം. ഉയർന്ന ചൂടുണ്ടെങ്കിൽ നാരങ്ങയിലെ അമ്ലഗുണം ബാക്​ടീരിയയെ വളർത്താൻ സഹായിക്കും. ഗ്ലാസ്​ ബോട്ടിലിൽ ജ്യൂസ്​ സൂക്ഷിക്കുന്നത്​ ഒഴിവാക്കുക. പ്രകാശം നാരങ്ങ ജ്യൂസിനെ വേഗത്തിൽ നശിപ്പിക്കും. സുതാര്യമല്ലാത്ത പ്ലാസ്​റ്റിക്​, ഗ്ലാസ്​ കണ്ടയിനറുകളിൽ സൂക്ഷിച്ചാൽ 23 ദിവസം വരെ റഫ്രിജറേറ്ററിൽ  കേടുകൂടാതിരിക്കും.  

4. ​ഐസ് ട്രേയിലാക്കി റഫ്രിജറേറ്റിലെ ഫ്രീസറിൽ സൂക്ഷിക്കുന്നതാണ്​ നാരങ്ങ ജ്യുസ്​ കേടുകൂടാതിരിക്കാൻ നല്ല മാർഗങ്ങളിലൊന്ന്​. സൗകര്യംപോലെ അവ എടുത്ത്​ ഉപ​യോഗിക്കുകയും ചെയ്യാം. രുചി നഷ്​ടപ്പെടുകയുമില്ല. 

5. ഒരു ഗ്ലാസ്​ ജാറിൽ നിറയെ വെള്ളമെടുത്ത്​ നാരങ്ങ അതിൽ നിക്ഷേപിച്ച്​ റഫ്രിജറേറ്ററിൽ കേടുകൂടാതെ സൂക്ഷിക്കാം.

6. ചെറുനാരങ്ങ എത്തിലീൻ ഹോർമോണിനോട്​ പ്രതിപ്രവർത്തിക്കുന്നവയാണ്​. അതിനാൽ ഇൗ ഹോർമോണി​ന്‍റെ സാന്നിധ്യമുള്ള ആപ്രിക്കോട്ട്​, ആപ്പിൾ, ഏത്തപ്പഴം തുടങ്ങിയവക്കൊപ്പം നാരങ്ങ സൂക്ഷിക്കരുത്​. നാരങ്ങ വാങ്ങു​മ്പോള്‍ കട്ടികുറഞ്ഞ പുറംന്തോടുള്ളവ വാങ്ങാൻ ശ്രദ്ധിക്കുക. ഇവയായിരിക്കും കൂടുതൽ നീര്​ നൽകുന്നവ. ഉടനെ ഉപയോഗിക്കാനായി വാങ്ങുന്നവ​യല്ലെങ്കിൽ അൽപ്പം പച്ചക്കളറിലുള്ള നാരങ്ങ വാങ്ങുന്നതായിരിക്കും ഗുണകരം.