ഈ രോ​ഗലക്ഷണങ്ങൾ പുരുഷന്മാർ ശ്രദ്ധിക്കാതെ പോകരുത്

പുരുഷന്മാരിൽ ഉറക്കമില്ലായ്മ കൂടുതൽ വലിയ രോ​ഗങ്ങളിലെത്തിക്കും. ഉറമില്ലായ്മ മാനസിക സമ്മര്‍ദത്തിലേക്കും മറവിയിലേക്കും നയിക്കും. ഹൃദയ സംബന്ധമായ രോഗങ്ങള്‍ വരുകയും ചെയ്യും.  

പുരുഷന്മാര്‍ നിസാരമായി തള്ളിക്കളയുന്ന പല രോഗലക്ഷണങ്ങളും പിന്നീട് വലിയ രോഗങ്ങളിലേക്കാണ് ചെന്നെത്തുന്നത്. പുരുഷന്മാർ ഈ രോ​ഗലക്ഷണങ്ങൾ കണ്ടാൽ നിർബന്ധമായും ഡോക്ടറിനെ കണ്ടിരിക്കണം. 

1.വൃഷണത്തിൽ വേദന : പുരുഷന്റെ വൃഷണത്തില്‍ വരുന്ന വേദന പലപ്പോഴും ചികിത്സിക്കാതെ ശ്രദ്ധിക്കാതെ പോകുന്ന രോഗ ലക്ഷണമാണ്. വൃക്ഷണത്തില്‍ നീരോ വീക്കമോ സംഭവിക്കുമ്പോഴാണ് ഇത്തരത്തില്‍ വേദന വരുന്നത്. ഇത് പലപ്പോഴും കാന്‍സറിന് വഴിതെളിക്കും.

2. നീണ്ടു നില്‍ക്കുന്ന ചുമ : ഒരുപാടു നേരം നീണ്ടു നില്‍ക്കുന്ന ചുമ ശ്വാസകോശ കാന്‍സറിന്റെയോ തൈറോയ്ഡ് കാന്‍സറിന്റെയോ ലക്ഷണമായിരിക്കാം. 

3. ഉറക്കമില്ലായ്മ: പുരുഷന്മാരിൽ ഉറക്കമില്ലായ്മ കൂടുതൽ വലിയ രോ​ഗങ്ങളിലെത്തിക്കും. ഉറമില്ലായ്മ മാനസിക സമ്മര്‍ദത്തിലേക്കും മറവിയിലേക്കും നയിക്കും. ഹൃദയ സംബന്ധമായ രോഗങ്ങള്‍ വരുകയും ചെയ്യും.

4.മദ്യപാനം: സ്ഥിരമായി മദ്യപിക്കുന്നത് നിങ്ങളുടെ ആയുസിനെ വെട്ടി ചുരുക്കും. പ്രതിരോധശേഷിയെ നശിപ്പിക്കുന്ന ശീലം മാറ്റി നിര്‍ത്തുന്നതാണ് നല്ലത്.

5. മലമൂത്ര വിസര്‍ജന പ്രശ്‌നങ്ങള്‍: മലമൂത്ര വിസര്‍ജന സമയത്തുണ്ടാകുന്ന തടസങ്ങളും വേദനകളും കിഡ്‌നി, കരള്‍, പ്രമേഹം, മൂലക്കുരു എന്നീ രോഗങ്ങളുടെ ലക്ഷണങ്ങള്‍ കാണിക്കുന്നു. മൂത്രാശയ കല്ലിനും സാധ്യത ഏറെയാണ്. തുടക്കത്തില്‍ തന്നെ ശ്രദ്ധിക്കുന്നതാണ് നല്ലത്. 

6. വിട്ടുമാറാത്ത തലവേദന : തലവേദന വിട്ടുമാറാത്തത് തലച്ചോറിനെ ബാധിക്കുന്ന എന്തെങ്കിലും രോഗത്തിന്റെ ലക്ഷണമാകാം. തലവേദന മാറാൻ വേദന സംഹാരി കഴിച്ച് ഒഴിവാക്കുന്ന ശീലം ഉപേക്ഷിച്ച് വിദഗ്ദ ഡോക്ടര്‍മാരുടെ ചികിത്സ തേടുകയാണ് വേണ്ടത്.