വെള്ളി ആഭരണങ്ങൾ അണിയുന്നവരാണോ? സൂക്ഷിക്കണം, നിങ്ങളുടെയും നിറം മങ്ങും

വെള്ളി ആഭരണങ്ങൾ അണിയുന്നവരാണോ നിങ്ങൾ? എന്നാൽ സൂക്ഷിക്കുക. മഴക്കാലത്ത്​ അവ നന്നായി സൂക്ഷിച്ചില്ലെങ്കിൽ ആഭരണങ്ങളുടെ മാത്രമല്ല, അതുവഴി നിങ്ങളുടെയും നിറവും മങ്ങും. വെള്ളി ആഭരണങ്ങൾ ഉപയോഗിക്കുമ്പോഴും സൂക്ഷിക്കുമ്പോഴും ശ്രദ്ധിക്കേണ്ട കാര്യങ്ങൾ ഇതാ...

വെള്ളി ആഭരണങ്ങൾ പ്ര​​ത്യേകം ബാഗുകളിൽ സിലിക്ക ജെൽ പാക്കറ്റുകൾ സഹിതം സൂക്ഷിക്കുക. സിലിക്ക ജെൽ അന്തരീക്ഷരത്തിൽ നിന്നുണ്ടാകുന്ന ഇൗർപ്പത്തെ വലിച്ചെടുക്കുകയും ആഭരണങ്ങൾ കറുത്തുപോകാതിരിക്കാൻ സഹായിക്കുകയും ചെയ്യും. ആഭരണങ്ങൾ ഉണക്കി സൂക്ഷിക്കാൻ പേപ്പർ ടിഷ്യൂ ഉപ​യോഗിച്ചാൽ വര വീഴാനുള്ള സാധ്യത ഏറെയാണ്​. അതിനാൽ കോട്ടൺ ഉപ​യോഗിക്കുന്നതാണ്​ ഉത്തമം. 

ഇൗർപ്പവും കുറഞ്ഞ ഉൗഷ്​മാവ് ഉള്ളതുമായ സ്​ഥലങ്ങളിൽ ഇവ സൂക്ഷിക്കാതിരിക്കുക. പരസ്​പരം ഉരസുന്ന രീതിയിൽ സൂക്ഷിക്കാതിരിക്കുക. മഴക്കാലത്ത്​ ഇൗർപ്പം കൂടുതലും അന്തരീക്ഷ ഉൗഷ്​മാവ്​ കുറഞ്ഞുമിരിക്കും. ഇത്​ ആഭരണങ്ങളെ പ്രതികൂലമായി ബാധിക്കും. 

കുളിക്കുന്നതിനും കൈ കഴുകുന്നതിനും മുമ്പ്​ ആഭരണങ്ങൾ അഴിച്ചുവെക്കുന്നതാണ്​ നല്ലത്​. മഴയത്ത്​ പുറത്തുപോകുമ്പോഴും അവ കഴിവതും ഒഴിവാക്കുക.

മഴക്കാലത്ത്​ വെള്ളി ആഭരണങ്ങൾ കറുത്തുപോകുന്ന പ്രവണതയുണ്ട്​. ടൂത്ത്​ പേസ്​റ്റ്​ ഉപയോഗിച്ച്​ കഴുകുന്നത്​ നന്നായിരിക്കും. നേരിയ കോട്ടണും ഇളം ചൂടുള്ള വെള്ളവും ഉപയോഗിക്കുക. കോട്ടൺ ഉപയോഗിച്ച്​ തന്നെ തുടച്ച്​ ഉണക്കി സൂക്ഷിക്കുക. 

പുറം ഭാഗം കടുപ്പമുള്ളതും അകം മൃദുവായതുമായ പെട്ടിയിൽ സൂക്ഷിക്കുക. ഇത്​ പുറമെ നിന്നുള്ള സമ്മർദത്തിൽ ആഭരണം കേടാകാതെ സൂക്ഷിക്കാൻ വഴിയൊരുക്കും.