പ്രമേഹം നിയന്ത്രിക്കാം; വീട്ടിൽ പരീക്ഷിക്കാവുന്ന 9 ഒറ്റമൂലികൾ
Synopsis
ജീവിതശൈലിയില് വന്ന മാറ്റം തന്നെയാണ് പ്രമേഹം ഉണ്ടാകാനുള്ള പ്രധാനകാരണം. പാന്ക്രിയാസില്, ഇന്സുലിന് ഉത്പാദിപ്പിക്കുന്ന കോശങ്ങള്ക്ക് തകരാർ സംഭവിക്കുന്നതോടെ പ്രമേഹം പിടിപെടുന്നു. പാരമ്പര്യഘടകങ്ങള്, പൊണ്ണത്തടി, രക്തക്കുഴലുകളിലെ പ്രശ്നങ്ങള്, മാനസിക പിരിമുറുക്കം എന്നിവയാണ് പ്രമേഹം പിടിപെടാനുള്ള പ്രധാനകാരണങ്ങൾ.
ഇന്ന് മിക്കവരിലും കണ്ട് വരുന്ന രോഗമാണ് പ്രമേഹം. പാൻക്രിയാസിലെ ബീറ്റാകോശങ്ങൾ ഉത്പാദിപ്പിക്കുന്ന ഹോർമോൺ ആണ് ഇൻസുലിൻ. ശരീരം നിർമിക്കുന്ന ഇൻസുലിന്റെ അളവ് കുറയുന്നത് കൊണ്ട് ഉണ്ടാകുന്ന അവസ്ഥയാണ് പ്രമേഹം. ശരീരം ഉത്പാദിപ്പിക്കുന്ന ഇൻസുലിന്റെ തോത് അനുസരിച്ച് പ്രമേഹരോഗാവ്സ്ഥ വ്യത്യാസപ്പെടും.
അതുകൊണ്ടാണ് ഡോക്ടറുടെ നിർദേശപ്രകാരം മാത്രം മരുന്നു കഴിക്കണം എന്ന് പറയുന്നത്. ഇൻസുലിൻ കുത്തിവയ്പ്പും ഗുളികയുമാണ് പ്രമേഹ നിയന്ത്രണത്തിനുള്ള രണ്ടു മാർഗങ്ങൾ. ക്യത്യമായി മരുന്ന് കഴിക്കേണ്ടത് ഈ രോഗത്തിന് അനിവാര്യമാണ്. വീട്ടിലെ ചില ഒറ്റമൂലികൾ കഴിച്ച് പ്രമേഹം എങ്ങനെ കുറയ്ക്കാമെന്ന് അറിയേണ്ടേ.
കയ്പ്പാണെങ്കിലും പാവയ്ക്ക സൂപ്പറാ...
പ്രമേഹ നിയന്ത്രണത്തിന് ഉപയോഗിച്ചു വരുന്ന ഒന്നാണ് പാവയ്ക്ക. അരിഞ്ഞ പാവയ്ക്ക തൈരും ഉപ്പുമായി ചേര്ത്ത് കഴിക്കുന്നതും, ഇടിച്ച് പിഴിഞ്ഞ നീരോ മിക്സിയില് അടിച്ച് ജ്യൂസായോ കുടിക്കുന്നതും പ്രമേഹ നിയന്ത്രണത്തിന് സഹായകരമാണ്. ചാരന്റൈന്, വിസിന് എന്നീ രക്തത്തിലെ പഞ്ചസാര കുറയ്ക്കാന് സഹായിക്കുന്ന ഘടകങ്ങളും ഇന്സുലിന് സമാനമായ പോളിപെപ്റ്റൈഡ് പിഎ എന്ന സംയുക്തവും ഇതിലുണ്ട്. പ്രമേഹരോഗത്തിന് പാവയ്ക്ക ഉപയോഗിക്കുന്നതിന് ശാസ്ത്രീയമായ പിന്തുണയുമുണ്ട്. എത്നോ ഫാര്മക്കോളജി ജേണലില് ടൈപ്പ്-2 പ്രമേഹരോഗികളില് രോഗനിയന്ത്രണത്തിന് പാവയ്ക്ക ഗുണകരമാണെന്ന് പറയുന്നുണ്ട്. ഇന്സുലിന് ഉല്പാദന നിയന്ത്രണത്തിനും പാവ
യ്ക്കയ്ക്ക് സാധിക്കുമെന്ന് പഠനങ്ങള് വ്യക്തമാക്കുന്നു.
മാവില പാനീയം കഴിക്കാം...
ഒരു പാത്രത്തില് പത്തോ പതിനഞ്ചോ മാവില എടുത്ത് നന്നായി തിളപ്പിക്കുക , രാത്രി മുഴുവന് ഇങ്ങനെ വച്ചിട്ട് രാവിലെ വെറും വയറ്റില് ആ വെളളം കുടിക്കുക. രണ്ടോ മൂന്നോ മാസം ഇത് ആവര്ത്തിക്കേണ്ടതാണ്. മാവില ഉണക്കിപ്പൊടിച്ചത് അര ടീസ്പൂണ് വീതം ദിവസം രണ്ടു തവണ കഴിച്ചാല് പ്രമേഹത്തിന് ശമനം ലഭിക്കും. മാവിലയില് ധാരാളം മിനറലുകളും, വിറ്റാമിനുകളും, എന്സൈമുകളും,ആന്റിഓക്സിഡന്റുകളും അടങ്ങിയിട്ടുള്ളതുകൊണ്ട് ആരോഗ്യ സംരക്ഷണത്തില് വളരെ നല്ല സ്ഥാനമുണ്ട്. പല ആരോഗ്യ പ്രശ്നങ്ങളും അകറ്റാന് മാവിലകൊണ്ട് സാധിക്കും.
കോവയ്ക്കയെ ഒഴിവാക്കരുത്...
ഇന്റര്നാഷനല് ഡയബറ്റിസ് ജേണലില് പ്രസിദ്ധീകരിച്ച പഠനത്തില് പറയുന്നത് കോവയ്ക്ക പ്രകൃതിദത്ത ഇന്സുലിന് ആണെന്നാണ്. രക്തത്തിലെ പഞ്ചസാരയുടെ അളവ് ഉയരാതെ നിയന്ത്രിക്കാന് കോവയ്ക്കയുടെ ഉപയോഗത്തിലൂടെ സാധിക്കും. നാരുകള് ധാരാളമടങ്ങിയിരിക്കുന്നതും ഗ്ലൈസെമിക്ക് ഇന്ഡക്സ് വളരെ കുറവാണെന്നുള്ളതിനാലുമാണ് കോവയ്ക്ക പ്രമേഹരോഗികള്ക്ക് സഹായകരമാകുന്നത്.
ചെമ്പരത്തിയിലയിട്ട് തിളപ്പിച്ച വെള്ളം...
ചെമ്പരത്തി ഇലകൾ കഴുകി വൃത്തിയാക്കി അല്പം വെള്ളം ചേര്ത്ത് അരച്ചെടുക്കണം. ഈ പേസ്റ്റില് നിന്ന് മൂന്ന് സ്പൂണ് എടുത്ത് ഒരു കപ്പ് വെള്ളത്തില് കലക്കി രാത്രി മൂടിവച്ച ശേഷം രാവിലെ വെറും വയറ്റില് കുടിക്കാം. രണ്ടു മണിക്കൂര് നേരത്തേക്ക് മറ്റൊന്നും കഴിക്കരുത്. തുടര്ച്ചയായി എട്ടു ദിവസം ഇങ്ങനെ ചെയ്യണം. ഇടയ്ക്ക് നിര്ത്തേണ്ടി വരുന്നവര് രണ്ടുമാസം കഴിഞ്ഞേ വീണ്ടും തുടരാവൂ.
കറ്റാര്വാഴ ജ്യൂസ് സ്ഥിരമായി കഴിക്കൂ...
പ്രമേഹരോഗ നിയന്ത്രണത്തിന് കറ്റാര്വാഴ ഗുണകരമാണെന്ന് ചില പഠനങ്ങള് അഭിപ്രായപ്പെടുന്നുണ്ട്. രക്തത്തിലെ പഞ്ചസാരയുടെ അളവ് നിയന്ത്രിക്കാന് കറ്റാര്വാഴ ജ്യൂസിന് സാധിക്കുമെന്നാണ് പഠനങ്ങളില് പറയുന്നത്.
പ്രമേഹരോഗികള്ക്ക് നെല്ലിക്ക ജ്യൂസ്...
വിറ്റാമിന്- സിയുടെ സമൃദ്ധമായ സ്രോതസ്സാണ് നെല്ലിക്ക. അതുകൊണ്ടുതന്നെ ശരീരത്തിന്റെ പൊതുവായ ആരോഗ്യത്തിന് നെല്ലിക്ക ഗുണകരമാണ്. നെല്ലിക്കാനീരുംപച്ചമഞ്ഞളും സമമെടുത്ത് ദിവസവും ഒരുനേരം കഴിക്കുന്നത് പ്രമേഹരോഗികള്ക്ക് ഉത്തമമായ മരുന്നാണെന്ന് പാരമ്പര്യ നാട്ടുവൈദ്യം പറയുന്നു.
വെണ്ടയ്ക്ക പാനീയം............
കഴുകി വൃത്തിയാക്കിയ പത്ത് വെണ്ടയ്ക്ക അരികുകള് കളഞ്ഞ് നടുവെ ചെറുതായി പിളര്ന്ന് ഒരു പാത്രത്തില് വയ്ക്കുക. ഇതിലേക്ക് മുങ്ങിക്കിടക്കാന് പാകത്തിന് വെള്ളമൊഴിച്ച് ഒരു രാത്രി മൂടി വെച്ച ശേഷം പിറ്റേന്ന് രാവിലെ അരിച്ച് വെറും വയറ്റില് കുടിക്കാം.
ഉലുവയും മഞ്ഞളും.....
നാല് ടേബിള് സ്പൂണ് വീതം ഉണക്കനെല്ലിക്കയും ഉലുവയും പൊടിച്ചെടുത്ത് ഒന്നര ലിറ്റര് വെളളത്തിലിട്ട് ഒരു രാത്രി മുഴുവന് വെക്കുക.ഇതിലേക്ക് രണ്ടുടീസ്പുണ് മഞ്ഞള്പ്പൊടിയിട്ട് അടുപ്പത്തു വച്ച് ചൂടാക്കി ഒരു ലിറ്ററാക്കണം. ഫ്രിഡ്ജില് സൂക്ഷിച്ചുവച്ച് ദിവസേന രണ്ടു സ്പൂണ് വീതം വെറും വയറ്റില് കഴിക്കാം.
പാഷന് ഫ്രൂട്ട് ഇലകള്....
പാഷന് ഫ്രൂട്ടിന്റെ അഞ്ചോ ആറോ ഇലകളെടുത്ത് ശുദ്ധജലത്തില് തിളപ്പിച്ച് , ചൂടാറിയ ശേഷം ആ വെളളം ദിവസത്തില് പല സമയങ്ങളിലായി കുടിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിച്ച് നിർത്താൻ സഹായിക്കും.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam