പട്ടാപ്പകല്‍ നടുറോഡില്‍ യുവാവിനോട് പ്രണയാഭ്യര്‍ത്ഥന നടത്തിയ യുവതിക്ക് സംഭവിച്ചത്

വളരെ പെട്ടെന്നാണ് അത് സംഭവിച്ചത്. തിരക്കേറിയ തെരുവില്‍ റോഡിന്റെ വശത്ത് ഒരു യുവാവിന് മുന്നില്‍ സുന്ദരിയായ യുവതി മുട്ടുകുത്തിനിന്ന് കൈകൂപ്പി എന്തോ പറയുന്നുണ്ട്. തിക്കിത്തിരക്കി പായുന്നതിനിടയിലും ആളുകള്‍ ആ കാഴ്‌ച കണ്ട് ഒരു നിമിഷം അവിടേക്ക് ശ്രദ്ധിച്ചു. അതെ, അതൊരു പ്രണയാഭ്യര്‍ത്ഥനയായിരുന്നു. തന്റെ പ്രണയത്തിന്റെ അടയാളമായ ഒരു മോതിരം, അവനെ അണിയിക്കുന്നതിനുള്ള ശ്രമത്തിലായിരുന്നു അവള്‍. എന്നാല്‍ അവളുടെ പ്രണയാഭ്യര്‍ത്ഥന ചെവിക്കൊള്ളാതെ, അവന്‍ നടന്നുനീങ്ങി. അവള്‍ ശരിക്കും തകര്‍ന്നുപോയി. ഹൃദയഭേദകമായ ആ നിമിഷം അതിജീവിക്കാനാകാതെ അവള്‍ ആ നടുറോഡില്‍ പകച്ചിരുന്നുപോയി. ഇതൊരു സിനിമയിലെ രംഗമൊന്നുമല്ല. ചിലിയുടെ തലസ്ഥാനമായ സാന്റിയാഗോയിലെ ഏറെ തിരക്കേറിയ ഒരു റോഡില്‍ നടന്ന സംഭവങ്ങളാണിത്. ഈ സംഭവങ്ങള്‍ ഒരു കാല്‍നടയാത്രക്കാരന്‍ മൊബൈലില്‍ പകര്‍ത്തി. ഇതിനോടകം ഈ ദൃശ്യങ്ങള്‍ സാമൂഹികമാധ്യമങ്ങളില്‍ ഏറെ വൈറലായി കഴിഞ്ഞു. ഏതായാലും കാമുകന്‍ കൈയൊഴിഞ്ഞതോടെ നടുറോഡില്‍ പൊട്ടിക്കരഞ്ഞ യുവതിയെ പിന്നീട് പൊലീസ് എത്തി, അവരുടെ വീട്ടില്‍ കൊണ്ടുവിട്ടു.