പുകവലി നിര്‍ത്തിയാല്‍ ശരീരഭാരം കൂടുമോ?

വളരെ മോശം ശീലം എന്നതിനെക്കാളുപരി പുകവലി ആരോഗ്യ പ്രശ്നങ്ങള്‍ സൃഷ്ടിക്കുമെന്ന് എല്ലാവര്‍ക്കുമറിയാം. എന്നാല്‍ ഇത് നിർത്താന്‍ വലിയ ക്ഷമ വേണം എന്നാണ് പൊതുവില്‍ പറയാറ്. ഒന്നും ചെയ്യാന്‍ ഇല്ലാതിരിക്കുമ്പോഴും സമയം പോകാന്‍ വേണ്ടിയുമെല്ലാം ആരംഭിക്കുന്ന പുകവലിയെന്ന ശീലം പിന്നീട് തുടർന്ന് കൊണ്ടേയിരിക്കും. അതേസമയം,  പുകവലി നിര്‍ത്തിയാല്‍ ശരീരഭാരം കൂടുമെന്ന് പറഞ്ഞുകേള്‍ക്കാറുണ്ട്. ഇത് പേടിച്ചും പുകവലി തുടരുന്നവരുമുണ്ട്.

എന്നാല്‍ പുകവലി നിർത്താൻ സഹായിക്കുന്ന പലതും ഇന്ന് വിപണിയിൽ ലഭ്യമാണ്. ചില ഭക്ഷണങ്ങളും നിങ്ങളെ അതിനു സഹായിക്കുന്നു. വെള്ളം ധാരാളം അടങ്ങിയ പച്ചക്കറികള്‍, പഴങ്ങള്‍ കഴിക്കുന്നത് നല്ലതാണ്. ഭാരം കൂടാതെ നിയന്ത്രിക്കുക മാത്രമല്ല ഇത് കരളിനും നല്ലതാണ്. വ്യായാമം ചെയ്യുന്നതും ശരീരഭാരം കൂടാതിരിക്കാന്‍ നല്ലതാണ്. 

പാലും പാലുല്‍പ്പന്നങ്ങളും കഴിക്കുന്നത് പുകവലി നിര്‍ത്താന്‍ സഹായിക്കും. പുകവലിക്കാന്‍ തോന്നുകയാണെങ്കിൽ ഒരു ഗ്ലാസ് പാല്‍ കുടിച്ചാല്‍ മതിയെന്നാണ് ആരോഗ്യവിദഗ്ധര്‍ അഭിപ്രായപ്പെടുന്നത്. പാലിന്റെ രുചി പുകവലിക്കാനുളള ആഗ്രഹത്തെ തടസപ്പെടുത്തുമെന്നും അവര്‍ അഭിപ്രായപ്പെടുന്നു. പുകവലിക്കുന്നതിന് മുമ്പായി ഉപ്പ് ധാരാളമായി അടങ്ങിയ ഭക്ഷണം കഴിക്കുന്നത് പുകവലിക്കാനുളള ചിന്തയെ മാറ്റുമെന്നും അവര്‍ പറയുന്നു. ഉപ്പ് അടങ്ങിയ വറ്റലോ അച്ചാറോ ധാരാളം കഴിക്കാവുന്നതാണ്. വൈറ്റമിന്‍ സി അടങ്ങിയ ഓറഞ്ച്, പേരക്ക, നാരങ്ങ, നെല്ലിക്ക എന്നി പഴങ്ങള്‍ കഴിക്കുന്നതും പുകവലിക്കാനുളള ആഗ്രഹത്തെ തടയുമെന്ന് ചില പഠനങ്ങൾ ചൂണ്ടികാട്ടുന്നു.