മഞ്ഞുകാലത്ത് ചുണ്ടുകള് വരണ്ടുപൊട്ടുന്നത് തടയാന് വീട്ടില് പരീക്ഷിക്കാം ഈ പൊടിക്കൈകള്...
Synopsis
ചുണ്ടിലെ ചര്മ്മം മറ്റ് ചര്മ്മത്തെക്കാള് നേര്ത്തതാണ്. അതിനാല് ചുണ്ടുകളുടെ സംരക്ഷണം വളരെ പ്രധാനമാണ്.
മഞ്ഞുകാലത്ത് ചുണ്ടുകള് വരണ്ടുപൊട്ടാം. ചുണ്ടിലെ ചര്മ്മം മറ്റ് ചര്മ്മത്തെക്കാള് നേര്ത്തതാണ്. അതിനാല് ചുണ്ടുകളുടെ സംരക്ഷണം വളരെ പ്രധാനമാണ്. ചുണ്ടിന്റെ സ്വാഭാവിക ഭംഗി നിലനിര്ത്താന് അടുക്കളയില് തന്നെ ചില പൊടിക്കൈകളുണ്ട്. അത്തരത്തില് ചിലത് നോക്കാം...
ഒന്ന്...
ചുണ്ടില് ദിവസവും നെയ്യ് പുരട്ടി മസാജ് ചെയ്യുന്നത് വരൾച്ച മാറാന് സഹായിക്കും.
രണ്ട്...
വെളിച്ചെണ്ണയാണ് രണ്ടാമതായി ഈ പട്ടികയില് ഉള്പ്പെടുന്നത്. വെളിച്ചെണ്ണ ചുണ്ടില് പുരട്ടി മസാജ് ചെയ്യുന്നത് ചുണ്ടുകളുടെ വരൾച്ച മാറാന് ഗുണം ചെയ്യും.
മൂന്ന്...
ഷിയ ബട്ടര് ആണ് അടുത്തതായി ഈ പട്ടികയില് ഉള്പ്പെടുന്നത്. ഷിയ ബട്ടറില് ധാരാളം ആന്റി ഓക്സിഡന്റുകള് അടങ്ങിയിട്ടുണ്ട്. ഇവ ചുണ്ടുകളുടെ വരൾച്ച മാറാന് സഹായിക്കും.
നാല്...
പ്രകൃതിദത്തമായ മോയിസ്ചറൈസര് ആണ് തേന്. അതിനാല് ചുണ്ട് വരണ്ടുപൊട്ടുന്നത് തടയാന് തേന് സഹായിക്കും. ഇതിനായി തേന് നേരിട്ട് ചുണ്ടില് തേച്ച് മസാജ് ചെയ്യാം.
അഞ്ച്...
പഞ്ചസാര നല്ലൊരു സ്ക്രബറാണ്.ഇതിനായി ഒരു സ്പൂൺ പഞ്ചസാരയെടുത്ത് അതിൽ മൂന്നോ നാലോ തുള്ളി ഒലീവ് ഓയിലൊഴിച്ച് അരസ്പൂൺ തേനും ചേർത്ത് ചുണ്ടിൽ പുരട്ടാം. ശേഷം വിരലുകൾ കൊണ്ട് ചുണ്ടിൽ മൃദുവായി ഉരസുക. പത്ത് മിനിറ്റിന് ശേഷം കഴുകി കളയാം.
ആറ്...
ദിവസവും ചുണ്ടിൽ റോസ് വാട്ടർ പുരട്ടുന്നത് വരൾച്ച അകറ്റാൻ സഹായിക്കും.
Also read: അയേണിന്റെ കുറവുണ്ടോ? ദിവസവും ഡയറ്റില് ഉള്പ്പെടുത്താം ഈ ഒരൊറ്റ ഭക്ഷണം...