മുഖസൗന്ദര്യത്തിന് കറ്റാർവാഴ ജെല് ഇങ്ങനെ ഉപയോഗിക്കാം...
Synopsis
ചർമ്മത്തിന്റെ വരൾച്ച, കരുവാളിപ്പ്, കറുത്ത പാടുകള് എന്നിവ മാറാനും മൃദുത്വം ലഭിക്കാനും തിളക്കമുള്ള ചര്മ്മം ലഭിക്കാനും കറ്റാര്വാഴ നല്ലതാണ്. കൂടാതെ മുഖക്കുരു, ബ്ലാക്ക്ഹെഡ്സ്, വൈറ്റ്ഹെഡ്സ് എന്നിവ അകറ്റാനും കറ്റാര്വാഴ ബെസ്റ്റാണ്.
ചര്മ്മത്തിന്റെ ആരോഗ്യത്തിന് ആന്റിഓക്സിഡന്റുകള് ധാരാളം അടങ്ങിയ കറ്റാര്വാഴ ഏറെ ഗുണം ചെയ്യും. ചർമ്മത്തിന്റെ വരൾച്ച, കരുവാളിപ്പ്, കറുത്ത പാടുകള് എന്നിവ മാറാനും മൃദുത്വം ലഭിക്കാനും തിളക്കമുള്ള ചര്മ്മം ലഭിക്കാനും കറ്റാര്വാഴ നല്ലതാണ്. കൂടാതെ മുഖക്കുരു, ബ്ലാക്ക്ഹെഡ്സ്, വൈറ്റ്ഹെഡ്സ് എന്നിവ അകറ്റാനും കറ്റാര്വാഴ ബെസ്റ്റാണ്.
കറ്റാര്വാഴ കൊണ്ടുള്ള ചില ഫേസ് പാക്കുകളെ പരിചയപ്പെടാം...
ഒന്ന്...
രണ്ട് സ്പൂൺ കറ്റാർവാഴ ജെൽ, ഒരു സ്പൂൺ തൈര് എന്നിവയെടുത്ത് മിക്സ് ചെയ്യുക. വരണ്ട ചർമ്മം ആണെങ്കിൽ ഇതിലേയ്ക്ക് ഒരു സ്പൂൺ തേനും എണ്ണമയമുള്ള ചർമ്മമാണെങ്കിൽ ഒരു സ്പൂൺ നാരങ്ങാ നീരും ചേർക്കുക. ശേഷം ഈ മിശ്രിതം മുഖത്തു പുരട്ടി 15 മിനിറ്റിനുശേഷം കഴുകി കളയാം. കരുവാളിപ്പ് മാറാന് ഈ പാക്ക് സഹായിക്കും.
രണ്ട്...
കണ്തടത്തിലെ കറുപ്പ് മാറുന്നതിനായി കറ്റാര്വാഴ ജെല്ല് കണ്ണിന് ചുറ്റും പുരട്ടുന്നതും നല്ലതാണ്.
മൂന്ന്...
കറ്റാർവാഴയുടെ നീരിനൊപ്പം തേന് ചേര്ത്ത് മുഖത്ത് പുരട്ടുന്നത് കറുത്ത പാടുകളെ തടയാന് സഹായിക്കും.
നാല്...
ഒരു ടീസ്പൂണ് കറ്റാര്വാഴ ജെല്, ഒരു ടീസ്പൂണ് തേന്, ഒരു ടീസ്പൂണ് പാല് എന്നിവ മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. മുഖക്കുരുവും മുഖത്തെ പാടുകളും മാറ്റാന് ഈ പാക്ക് സഹായിക്കും.
അഞ്ച്...
രണ്ട് സ്പൂണ് കടലമാവിലേയ്ക്ക് കറ്റാര്വാഴയുടെ പള്പ്പ് സമം ചേര്ത്ത് മുഖത്തും കഴുത്തിലും പുരട്ടാം. പത്ത് മിനിറ്റിന് ശേഷം കഴുകി കളയാം.
ശ്രദ്ധിക്കുക: അലർജി സംബന്ധമായ പ്രശ്നങ്ങളില്ലെന്ന് ഉറപ്പാക്കാൻ പാക്കുകളും സ്ക്രബുകളും ഉപയോഗിക്കുന്നതിന് മുമ്പ് പാച്ച് ടെസ്റ്റ് ചെയ്യുക. അതുപോലെ തന്നെ ഒരു ഡോക്ടറെ 'കൺസൾട്ട്' ചെയ്തതിന് ശേഷം മാത്രം മുഖത്ത് പരീക്ഷണങ്ങള് നടത്തുന്നതാണ് ഉത്തമം.
Also Read: ചര്മ്മം ചെറുപ്പമായിരിക്കാന് ഡയറ്റില് ഉള്പ്പെടുത്താം ഈ അഞ്ച് ഭക്ഷണങ്ങള്...