മുഖത്തെ ചുളിവുകളെ തടയാന് വീട്ടില് പരീക്ഷിക്കാം ഇക്കാര്യങ്ങള്
Synopsis
ചര്മ്മത്തിലെ ചുളിവുകളും വരകളും മാറ്റാന് വീട്ടില് പരീക്ഷിക്കാവുന്ന ചില പാക്കുകളെ പരിചയപ്പെടാം.
മുഖത്തെ ചുളിവുകള് കാരണം പ്രായം തോന്നിക്കുന്നുണ്ടോ? ഇത്തരത്തില് ചര്മ്മത്തിലെ ചുളിവുകളും വരകളും മാറ്റാന് വീട്ടില് പരീക്ഷിക്കാവുന്ന ചില പാക്കുകളെ പരിചയപ്പെടാം.
ഓട്സ്
ഒരു ടീസ്പൂണ് ഓട്സിലേയ്ക്ക് ഒരു ടീസ്പൂണ് തൈര്, ബദാം പൊടിച്ചത്, തേന് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടി 15 മിനിറ്റിന് ശേഷം കഴുകി കളയാം. മുഖത്തെ ചുളിവുകളെ തടയാന് ഈ പാക്ക് സഹായിക്കും.
മുട്ട
ഒരു മുട്ടയുടെ വെള്ള, ഒരു ടീസ്പൂണ് തൈര്, ഒരു ടീസ്പൂണ് തേന് എന്നിവ നന്നായി മിശ്രിതമാക്കാം. ഇനി ഈ മിശ്രിതം മുഖത്തും കഴുത്തിലും പുരട്ടി 15 മിനിറ്റിന് ശേഷം കഴുകി കളയാം.
വാഴപ്പഴം
പകുതി പഴം, ഒരു ടീസ്പൂണ് തേന്, ഒരു ടീസ്പൂണ് തൈര് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടി മസാജ് ചെയ്യാം. 20 മിനിറ്റിന് ശേഷം ഇളംചൂടുവെള്ളം കൊണ്ട് കഴുകാം.
കറ്റാർവാഴ ജെല്
ഒരു ടീസ്പൂൺ കറ്റാർവാഴ ജെല്ലും രണ്ട് ടീസ്പൂൺ വെള്ളരിക്ക നീരും ചേർത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. അര മണിക്കൂറിന് ശേഷം തണുത്ത വെള്ളത്തില് മുഖം കഴുകാം.
കോഫി
കോഫി വെളിച്ചെണ്ണയിലോ ഒലീവ് ഓയിലിലോ ചേര്ത്ത് മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടാം. 15 മിനിറ്റിന് ശേഷം കഴുകി കളയാം.
പപ്പായ
നാല് സ്പൂണ് പപ്പായ ഉടച്ചതിലേയ്ക്ക് രണ്ടോ മൂന്നോ തുള്ളി നാരങ്ങാനീരു ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടി 15 മിനിറ്റിന് ശേഷം കഴുകിക്കളയാം.
ശ്രദ്ധിക്കുക: അലർജി സംബന്ധമായ പ്രശ്നങ്ങളില്ലെന്ന് ഉറപ്പാക്കാൻ പാക്കുകളും സ്ക്രബുകളും ഉപയോഗിക്കുന്നതിന് മുമ്പ് പാച്ച് ടെസ്റ്റ് ചെയ്യുക. അതുപോലെ തന്നെ ഒരു ഡോക്ടറെ 'കൺസൾട്ട്' ചെയ്തതിന് ശേഷം മാത്രം മുഖത്ത് പരീക്ഷണങ്ങള് നടത്തുന്നതാണ് ഉത്തമം.
Also read: പതിവായി ഒരു സ്പൂണ് സൂര്യകാന്തി വിത്തുകൾ കഴിക്കൂ, അറിയാം ഗുണങ്ങള്