മുഖത്തെ ഇരുണ്ട പാടുകള് അലട്ടുന്നുണ്ടോ? അടുക്കളയിലേയ്ക്ക് പോകൂ, അവിടെയുണ്ട് പരിഹാരം...
Synopsis
പല കാരണങ്ങള് കൊണ്ടും മുഖത്തെ കറുത്ത പാടുകള് ഉണ്ടാകാം. മുഖത്തെ കറുത്തപാടുകള് അകറ്റാനും മുഖം തിളങ്ങാനും സഹായിക്കുന്ന ചില വസ്തുക്കള് നമ്മുടെ അടുക്കളയില് തന്നെയുണ്ട്. അവ എന്തൊക്കെയാണെന്ന് നോക്കാം...
മുഖത്തെ ഇരുണ്ട പാടുകള് ചിലരെ എങ്കിലും അലട്ടുന്ന പ്രശ്നമാകാം. പല കാരണങ്ങള് കൊണ്ടും മുഖത്തെ കറുത്ത പാടുകള് ഉണ്ടാകാം. മുഖത്തെ കറുത്തപാടുകള് അകറ്റാനും മുഖം തിളങ്ങാനും സഹായിക്കുന്ന ചില വസ്തുക്കള് നമ്മുടെ അടുക്കളയില് തന്നെയുണ്ട്. അവ എന്തൊക്കെയാണെന്ന് നോക്കാം...
ഒന്ന്...
ഒരു ടീസ്പൂൺ കടലമാവും ഒരു ടീസ്പൂണ് തേനും ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകിക്കളയാം. ആഴ്ചയില് രണ്ട് മുതല് മൂന്ന് തവണ വരെ ഇങ്ങനെ ചെയ്യുന്നത് മുഖത്തെ കറുത്ത പാടുകള് മാറാന് സഹായിക്കും.
രണ്ട്...
ഒരു ടീസ്പൂണ് കോഫിപ്പൊടി, ഒന്നര ടീസ്പൂണ് തിളപ്പിക്കാത്ത പാല് എന്നിവ മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 15 മിനിറ്റിന്ശേഷം, തണുത്ത വെള്ളത്തിൽ കഴുകിക്കളയാം.
മൂന്ന്...
ഒരു ടേബിള്സ്പൂണ് തക്കാളി നീരിലേയ്ക്ക് ഒരു ടേബിള്സ്പൂണ് വെള്ളരിക്കാ നീര്, ഓട്സ് എന്നിവ ചേര്ത്ത് മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടി മസാജ് ചെയ്യാം. പത്ത് മിനിറ്റിന് ശേഷം കഴുകി കളയാം. മുഖക്കുരുവിന്റെ കറുത്ത പാടുകളെ അകറ്റാന് ഈ പാക്ക് സഹായിക്കും.
നാല്...
അര കപ്പ് പപ്പായ നന്നായി ഉടച്ചെടുത്ത ശേഷം ഇതിലേക്ക് രണ്ട് ടീസ്പൂൺ പാലും ഒരു ടീസ്പൂൺ തേനും ചേർത്ത് നന്നായി മിക്സ് ചെയ്ത് പേസ്റ്റ് രൂപത്തിലാക്കാം. ശേഷം മുഖത്തും കഴുത്തിലും ഈ മിശ്രിതം പുരട്ടാം. 15 മിനിറ്റിന് ശേഷം തണുത്ത വെള്ളത്തിൽ മുഖം കഴുകാം.
ശ്രദ്ധിക്കുക: അലർജി സംബന്ധമായ പ്രശ്നങ്ങളില്ലെന്ന് ഉറപ്പാക്കാൻ പാക്കുകളും സ്ക്രബുകളും ഉപയോഗിക്കുന്നതിന് മുമ്പ് പാച്ച് ടെസ്റ്റ് ചെയ്യുക. അതുപോലെ തന്നെ ഒരു ഡോക്ടറെ 'കൺസൾട്ട്' ചെയ്തതിന് ശേഷം മാത്രം മുഖത്ത് പരീക്ഷണങ്ങള് നടത്തുന്നതാണ് ഉത്തമം.
Also Read: വണ്ണം കുറയ്ക്കാന് പരീക്ഷിക്കാം ഈ നാല് എളുപ്പ വഴികള്...