Dark circles: കണ്ണിന് ചുറ്റുമുള്ള 'ഡാർക്ക് സർക്കിൾസ്' മാറ്റാൻ പരീക്ഷിക്കാം ഈ ആറ് നാടൻ വഴികള്...
Synopsis
ഉറക്കമില്ലായ്മയും സ്ട്രെസുമൊക്കെ കൊണ്ടാണ് പലപ്പോഴും ഇത്തരം പ്രശ്നങ്ങള് ഉണ്ടാകുന്നത്. അതുപോലെ തന്നെ, കംമ്പ്യൂട്ടർ, ടിവി, മൊബൈല് ഫോണ് എന്നിവ കൂടുതൽ സമയം ഉപയോഗിക്കുന്നതും ഇത്തരത്തില് കണ്ണുകൾക്ക് ചുറ്റുമുള്ള കറുത്ത വളയങ്ങൾ ഉണ്ടാകാന് കാരണമാകും.
കണ്തടങ്ങളിലെ കറുത്ത പാട് അഥവാ 'ഡാർക്ക് സർക്കിൾസ്' പല സ്ത്രീകളെയും അലട്ടുന്ന ഒരു പ്രധാന പ്രശ്നമാണ്. ഉറക്കമില്ലായ്മയും സ്ട്രെസുമൊക്കെ കൊണ്ടാണ് പലപ്പോഴും ഇത്തരം പ്രശ്നങ്ങള് ഉണ്ടാകുന്നത്. അതുപോലെ തന്നെ, കംമ്പ്യൂട്ടർ, ടിവി, മൊബൈല് ഫോണ് എന്നിവ കൂടുതൽ സമയം ഉപയോഗിക്കുന്നതും ഇത്തരത്തില് കണ്ണുകൾക്ക് ചുറ്റുമുള്ള കറുത്ത വളയങ്ങൾ ഉണ്ടാകാന് കാരണമാകും.
കണ്തടങ്ങളിലെ കറുത്ത പാട് മാറ്റാന് വീട്ടില് തന്നെ പരീക്ഷിക്കാവുന്ന ചില വഴികള് എന്തൊക്കെയാണെന്ന് നോക്കാം...
ഒന്ന്...
കണ്ണിന് ചുറ്റമുള്ള കറുപ്പ് മാറാൻ മികച്ച പരിഹാരമാണ് ഉരുളക്കിഴങ്ങ്. ഉരുളക്കിഴങ്ങ് വട്ടത്തിന് അരിഞ്ഞോ അല്ലെങ്കില് അരച്ചോ പത്ത് മിനിറ്റ് കണ്തടങ്ങളില് വയ്ക്കാം. അതുപോലെ തന്നെ, ഉരുളക്കിഴങ്ങിന്റെ നീരും വെള്ളരിക്ക നീരും സമം ചേർത്ത് കണ്ണിന് താഴെ പുരട്ടി 20 മിനിറ്റിന് ശേഷം കഴുകി കളയുന്നതും ഗുണം ചെയ്യും.
രണ്ട്...
വെള്ളരിക്ക ആണ് അടുത്തത്. കണ്തടത്തിലെ കറുത്ത പാട് നീക്കം ചെയ്യാന് ഏറ്റവും നല്ലതാണ് വെള്ളരിക്ക. വെള്ളരിക്ക വട്ടത്തിന് അരിഞ്ഞോ അല്ലെങ്കില് അരച്ചോ പത്ത് മിനിറ്റ് കണ്തടങ്ങളില് വയ്ക്കുക. ഒരു ദിവസം പല തവണ ഇത് ആവര്ത്തിക്കുക. കണ്ണിന് ചുറ്റുമുള്ള കറുത്ത പാട് നീക്കം ചെയ്യാന് ഇത് സഹായിക്കും.
മൂന്ന്...
ചര്മ്മ സംരക്ഷണത്തിന് സഹായിക്കുന്ന ഒന്നാണ് കോഫി. കണ്ണിന് ചുറ്റുമുള്ള ഇരുണ്ട നിറം മാറ്റാൻ കോഫി കൊണ്ടുള്ള പാക്ക് സഹായിക്കും. ഇതിനായി രണ്ട് ടീസ്പൂണ് കാപ്പിപ്പൊടിയിലേയ്ക്ക് ഒരു ടീസ്പൂണ് വെളിച്ചെണ്ണ ചേര്ത്ത് മിശ്രിതമാക്കാം. ശേഷം ഈ മിശ്രിതം കണ്ണിന് ചുറ്റും പുരട്ടാം. 20 മിനിറ്റിന് ശേഷം കഴുകി കളയാം.
നാല്...
ടീ ബാഗും കണ്ണിന് ചുറ്റുമുള്ള കറുത്ത പാടുകള് അകറ്റാന് സഹായിക്കും. ഇതിനായി ഫ്രിഡ്ജില് സൂക്ഷിച്ചുവച്ച ടീ ബാഗ് കണ്തടത്തില് പത്ത് മിനിറ്റ് വയ്ക്കുക. പതിവായി ഇത് ചെയ്യുന്നത് കണ്ണിന് ചുറ്റുമുള്ള കറുപ്പ് അകറ്റാന് സഹായിക്കും.
അഞ്ച്...
കറ്റാർവാഴ ജെല്ലിന്റെ ഗുണങ്ങളെ കുറിച്ച് എല്ലാവര്ക്കും അറിയാം. കണ്തടത്തിലെ കറുപ്പ് മാറുന്നതിനായി കറ്റാര്വാഴ ജെല്ല് പുരട്ടുന്നതും നല്ലതാണ്.
ആറ്...
തക്കാളിനീര് കണ്ണിന് ചുറ്റും പുരട്ടിയ ശേഷം കഴുകി കളയുന്നതും കണ്തടത്തിലെ കറുപ്പ് നിറമകറ്റും. ലൈക്കോപീനിന്റെ നല്ല ഉറവിടമാണ് തക്കാളി. ഇത് ചർമ്മത്തെ മൃദുവാക്കാൻ സഹായിക്കും.
Also Read: അകാലനര അകറ്റാം; പരീക്ഷിക്കാം ഈ അഞ്ച് ടിപ്സ്...