ചർമ്മ സംരക്ഷണത്തിനായി പരീക്ഷിക്കേണ്ട മഞ്ഞള്‍ കൊണ്ടുള്ള ഫേസ് പാക്കുകള്‍

ചർമ്മ സംരക്ഷണത്തിനായി പരീക്ഷിക്കേണ്ട മഞ്ഞള്‍ കൊണ്ടുള്ള ചില ഫേസ് പാക്കുകളെ പരിചയപ്പെടാം. 

സൗന്ദര്യസംരക്ഷണത്തിന് പണ്ടുകാലം മുതലേ ഉപയോഗിക്കുന്ന ഒന്നാണ് മഞ്ഞള്‍. മുഖത്തെ പാടുകളെ അകറ്റാനും ചർമ്മം തിളങ്ങാനും മുഖക്കുരുവിൽ നിന്നും രക്ഷ നേടാനും മഞ്ഞള്‍ സഹായിക്കും. അത്തരത്തില്‍ ചർമ്മ സംരക്ഷണത്തിനായി പരീക്ഷിക്കേണ്ട മഞ്ഞള്‍ കൊണ്ടുള്ള ചില ഫേസ് പാക്കുകളെ പരിചയപ്പെടാം.

1. മഞ്ഞള്‍- മുട്ട പാക്ക്

മുട്ടയുടെ വെള്ളക്കരു ഉടച്ചതിലേയ്ക്ക് ഒരു നുള്ള് മഞ്ഞൾപ്പൊടി ചേർത്ത് മുഖത്തു പുരട്ടുക. പതിനഞ്ച് മിനിറ്റിന് ശേഷം കഴുകി കളയാം. മുഖത്തെ ചുളിവുകള്‍ മാറാന്‍ ഈ പാക്ക് സഹായിക്കും.

2. മഞ്ഞള്‍- പാല്‍ പാട

മഞ്ഞളും പാലിന്റെ പാടയും ചേർത്ത് മുഖത്ത് പുരട്ടാം. അരണിക്കൂറിനുശേഷം ചെറുചൂടുവെള്ളത്തില്‍ കഴുകി കളയാം. മുഖം തിളങ്ങാന്‍ ഈ പാക്ക് ഗുണം ചെയ്യും.

3. മഞ്ഞള്‍- കടലമാവ്

മുഖകാന്തി വർധിപ്പിക്കാൻ സഹായിക്കുന്ന ഏറ്റവും മികച്ച ചേരുവകളാണ് കടലമാവും മഞ്ഞളും. ഇതിനായി ഒരു ടീസ്പൂൺ മഞ്ഞൾ, രണ്ട് ടീസ്പൂൺ കടലപ്പൊടി, രണ്ട് ടീസ്പൂൺ റോസ്‌വാട്ടർ അല്ലെങ്കിൽ കട്ടത്തൈര് എന്നിവ ചേർത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 15 മിനിറ്റിന് ശേഷം കഴുകി കളയാം.

4. മഞ്ഞൾ - തേന്‍

തേനും സൗന്ദര്യ സംരക്ഷണത്തിൽ അവിഭാജ്യ ഘടകമാണ്. അര ടീസ്പൂൺ തേനിൽ ഒരു ടീസ്പൂൺ മഞ്ഞൾ ഇട്ട് യോജിപ്പിക്കുക. ഈ മിശ്രിതം മുഖക്കുരുവും പാടുകളും ഉള്ള ഭാഗങ്ങളിൽ തേച്ച് പിടിപ്പിക്കുക. 15 മിനിറ്റിന് ശേഷം കഴുകി കളയാം.

5. മഞ്ഞൾ - കറ്റാർവാഴ

ചര്‍മ്മത്തിന് ഏറ്റവും നല്ലതാണ് കറ്റാർവാഴ. കറ്റാർവാഴയിൽ നിന്ന് വേർതിരിച്ചെടുത്ത ജെൽ രണ്ട് ടീസ്പൂണ്‍ മഞ്ഞൾ ചേർത്ത് യോജിപ്പിക്കുക. ശേഷം ഈ മിശ്രിതം മുഖത്ത് പുരട്ടാം. പത്ത് മിനിറ്റിന് ശേഷം കഴുകി കളയാം.