നിങ്ങളുടെ മുറി ഒരു 'പിൻ്ററസ്റ്റ് ഡ്രീം'' ആക്കി മാറ്റാം: ജെൻ സികൾ അറിഞ്ഞിരിക്കേണ്ട സീക്രട്ട് ടിപ്‌സ്

രാവിലെ എഴുന്നേൽക്കുമ്പോൾ മുതൽ രാത്രി ഉറങ്ങുന്നത് വരെ നമുക്ക് ഏറ്റവും കംഫർട്ട് നൽകേണ്ട ഇടമാണല്ലോ നമ്മുടെ ബെഡ്‌റൂം. വെറും ഉറങ്ങാനുള്ള ഒരിടം എന്നതിലുപരി, നമ്മുടെ മൂഡിനും ക്രിയേറ്റിവിറ്റിക്കും അനുസരിച്ച് മാറുന്ന ഒരു പേഴ്സണൽ സാങ്ച്വറി ആയിരിക്കണം അത്. 

ഇന്നത്തെ കാലത്ത് ഒരു കിടപ്പുമുറി എന്നത് വെറും ഉറങ്ങാനുള്ള ഒരിടമല്ല. അത് നമ്മുടെ ക്രിയേറ്റിവിറ്റി പുറത്തെടുക്കാനുള്ള ഒരു ക്യാൻവാസാണ്. ഇൻസ്റ്റാഗ്രാം റീൽസ് ചെയ്യാനും, സുഹൃത്തുക്കളുമായി വീഡിയോ കോൾ ചെയ്യാനും, സമാധാനമായി ഇരുന്ന് പഠിക്കാനും ഒക്കെ പറ്റിയ ഒരു 'ആസ്തെറ്റിക്' സ്പേസ് ആഗ്രഹിക്കാത്തവരായി ആരുണ്ട്?

സോഷ്യൽ മീഡിയയിൽ നമ്മൾ കാണുന്ന ആ മനോഹരമായ 'പിൻ്ററസ്റ്റ് ബെഡ്റൂമുകൾ' എങ്ങനെ ബജറ്റിൽ ഒതുങ്ങി നിന്നുകൊണ്ട് നമുക്കും സെറ്റ് ചെയ്യാം? 2026-ലെ ഏറ്റവും പുതിയ ട്രെൻഡുകൾ ഉൾപ്പെടുത്തി ഇതാ ചില കിടിലൻ ഐഡിയകൾ.

1. ഏതാണ് നിങ്ങളുടെ 'വൈബ്'?

• മുറി ഡിസൈൻ ചെയ്യാൻ തുടങ്ങുന്നതിന് മുൻപ് നിങ്ങൾക്ക് ഏത് സ്റ്റൈലാണ് വേണ്ടതെന്ന് തീരുമാനിക്കുക. ജെൻ സിക്കിടയിൽ ഇപ്പോൾ ഹിറ്റായ ചില തീമുകൾ ഇവയാണ്:
• മിനിമലിസ്റ്റ് വൈബ് : 'ലെസ്സ് ഈസ് മോർ' എന്നതാണ് ഇതിന്റെ ലൈൻ. ക്രീം, വൈറ്റ് നിറങ്ങൾ, കുറഞ്ഞ ഫർണിച്ചറുകൾ, നല്ല വെളിച്ചം എന്നിവയാണ് ഇതിന്റെ പ്രത്യേകത.
• മാക്സിമലിസ്റ്റ്/ഇൻഡി: നിറയെ പോസ്റ്ററുകൾ, വൈബ്രന്റ് ആയ നിറങ്ങൾ, വ്യത്യസ്തമായ ഫർണിച്ചറുകൾ എന്നിവ ഇഷ്ടപ്പെടുന്നവർക്ക് ഇത് തിരഞ്ഞെടുക്കാം.
• കോട്ടേജ് കോർ : പ്രകൃതിയോട് ഇണങ്ങി നിൽക്കുന്ന സ്റ്റൈൽ. ഉണങ്ങിയ പൂക്കൾ, വിന്റേജ് സാധനങ്ങൾ, മരത്തിന്റെ ഫർണിച്ചറുകൾ എന്നിവ ഇതിൽ ഉൾപ്പെടുന്നു.

2. ലൈറ്റിംഗ് മാറ്റിപ്പിടിക്കാം

സാധാരണ ട്യൂബ് ലൈറ്റുകൾക്ക് പകരം മുറിക്ക് ഒരു ഡ്രീമി ലുക്ക് നൽകുന്ന ലൈറ്റുകൾ ഉപയോഗിക്കുക.

• സൺസെറ്റ് ലാംപ് : മുറിക്കുള്ളിൽ എപ്പോഴും ഒരു സുവർണ്ണ സായാഹ്നം നൽകാൻ ഇവ സഹായിക്കും.
• ഫെയറി ലൈറ്റുകൾ : കർട്ടനുകൾക്ക് ഇടയിലോ ഫോട്ടോകൾക്ക് ചുറ്റുമോ ഇത് നൽകുന്നത് മുറിക്ക് കൂടുതൽ ഭംഗി നൽകും.
• എൽഇഡി സ്ട്രിപ്പ് : കട്ടിലിന് പിന്നിലോ സീലിംഗിലോ ഇത് ഫിക്സ് ചെയ്താം. ഇതിന് ഒരു ഗെയിമിംഗ് വൈബ് കിട്ടും.
• ഡിസ്കോ ബോൾസ്: ജനലിലൂടെ വെയിൽ വരുമ്പോൾ മുറിയിലാകെ നക്ഷത്രങ്ങൾ വിരിയുന്നത് കാണാൻ എന്ത് ഭംഗിയായിരിക്കും..

3. ഭിത്തികൾ മനോഹരമാക്കാം

വെറും പെയിന്റ് അടിച്ച ഭിത്തികൾ ഇപ്പോൾ ഔട്ട് ഓഫ് ഫാഷനാണ്..

• ഫോട്ടോ കൊളാഷ്: നിങ്ങളുടെ പ്രിയപ്പെട്ട സിനിമകളുടെ കവറുകൾ, പോസ്റ്ററുകൾ, പോളറോയിഡ് ഫോട്ടോകൾ എന്നിവ ഭിത്തിയിൽ ഒട്ടിക്കുക.
• വേവി മിറർ: വലിയ കണ്ണാടികൾ അല്ലെങ്കിൽ ആകൃതിയില്ലാത്ത (Wavy) കണ്ണാടികൾ ഇപ്പോൾ ട്രെൻഡാണ്. ഇത് മുറിക്ക് ഒരു ലക്ഷ്വറി ലുക്ക് നൽകും.

4. കോസി ബെഡ്ഡിംഗ്

കിടപ്പുമുറിയുടെ മെയിൻ ഐറ്റം കട്ടിലാണല്ലോ.

• ലെയറിംഗ്: ബെഡ്ഷീറ്റിന് മുകളിൽ മറ്റൊരു ഡാർക്ക് കളർ പുതപ്പ് ഇടുന്നത് നല്ലൊരു കോസി ലുക്ക് നൽകും.
• ഫ്ലഫി പില്ലോസ്: പല വലിപ്പത്തിലുള്ള തലയണകൾ ഉപയോഗിക്കുക. കട്ടിലിൽ ലെയർ ചെയ്തു വെക്കുന്നത് കാണാൻ നല്ല ഭംഗിയാണ്.

5. ഇൻഡോർ പ്ലാൻ്റുകൾ

മുറിക്കുള്ളിൽ കുറച്ച് പച്ചപ്പ്‌ ഉണ്ടെങ്കിൽ അത് നൽകുന്ന പോസിറ്റീവ് എനർജി ചെറുതല്ല.

• സ്നേക്ക് പ്ലാന്റ്, മണി പ്ലാന്റ് എന്നിവ പരിപാലിക്കാൻ എളുപ്പമാണ്.
• ഹാങ്ങിങ് പ്ലാന്റുകൾ ജനലിന് മുകളിൽ തൂക്കിയിടുന്നത് ഒരു നാച്ചുറൽ വൈബ് നൽകും.

6. അലങ്കോലങ്ങൾ ഒഴിവാക്കാം

എത്ര സാധനങ്ങൾ ഉണ്ടെങ്കിലും അവ വൃത്തിയായി വെക്കുക. സാധനങ്ങൾ വെക്കാൻ ചൂരൽ കൊണ്ടുള്ള ബാസ്കറ്റുകൾ ഉപയോഗിക്കുന്നത് കാണാൻ നല്ല ഭംഗിയാണ്.

ചില ലോ-ബജറ്റ് ഹാക്കുകൾ:

• പഴയ ഗ്ലാസ് കുപ്പികൾ പെയിന്റ് ചെയ്ത് ഫ്ലവർ വേസ് ആക്കി മാറ്റാം.
• പഴയ ജീൻസോ തുണിയോ ഉപയോഗിച്ച് തലയണ കവറുകൾ ഉണ്ടാക്കാം.
• വിലകൂടിയ പെയിന്റിംഗുകൾക്ക് പകരം മാഗസിനിലെ മനോഹരമായ ചിത്രങ്ങൾ ഫ്രെയിം ചെയ്ത് തൂക്കാം.

ചുരുക്കത്തിൽ, നിങ്ങളുടെ മുറി നിങ്ങളെ സന്തോഷിപ്പിക്കുന്ന ഒന്നാകണം. മറ്റുള്ളവർക്ക് വേണ്ടിയല്ല, നിങ്ങൾക്കായി ആ ഇടം മാറ്റിയെടുക്കൂ!