ജോലി സമയത്ത് ഉറക്കം വരുന്നതിന് ഒരു കാരണമുണ്ട്..!

ജോലി സമയത്ത് അതും പകല്‍ സമയത്ത് ഉറക്കം വരാറുണ്ടോ? അതിനൊരു കാരണം ഉണ്ട്. എണ്ണ പലഹാരങ്ങളും, പാല്‍ക്കട്ടികളും, പിസയും ബര്‍ഗറുമൊക്കെ കഴിക്കുന്നവരിലാണ് ഈ പ്രശ്‌നം കണ്ടുവരുന്നതെന്നാണ് പഠനങ്ങള്‍ പറയുന്നത്.  ഓസ്‌ട്രേലിയയിലെ അഡ്‌ലെയ്ഡ് സര്‍വ്വകലാശാലയില്‍ നടത്തിയ പഠനത്തിലാണ് ഇക്കാര്യം സ്ഥിരീകരിക്കുന്നത്. 

യിങിങ് കാവോയുടെ നേതൃത്വത്തില്‍ നടത്തിയ പഠനത്തില്‍, പുരുഷന്‍മാരിലാണ് പകല്‍ ജോലിസമയത്തെ ഉറക്കം കൂടുതലായി കാണുന്നതെന്നും വ്യക്തമായിട്ടുണ്ട്. ഇത്തരക്കാരില്‍ ഉറക്കസംബന്ധമായ പ്രശ്‌നങ്ങള്‍ കണ്ടുവരുന്നുണ്ട്. അതായാത് പകല്‍ ജോലിസമയത്ത് ഉറങ്ങുന്ന ഇക്കൂട്ടര്‍ക്ക് രാത്രിയില്‍ ശരിയായ ഉറക്കം ലഭിക്കാറില്ലെന്നും പഠനറിപ്പോര്‍ട്ടില്‍ പറയുന്നുണ്ട്. കൂടാതെ ഭാരക്കൂടുതലും, പ്രമേഹം, രക്തസമ്മര്‍ദ്ദം പോലെയുള്ള ജീവിതശൈലി രോഗങ്ങളും ഇത്തരക്കാരില്‍ കണ്ടുവരുന്നു. ഓസ്‌ട്രേലിയയിലെ 1800 പുരുഷന്‍മാരെയാണ് ഇതുസംബന്ധിച്ച് പഠനത്തിന് വിധേയമാക്കിയത്.