Jumping Worm : ഈ മണ്ണിര പ്രശ്നക്കാരനോ? യുഎസിലെ വിവിധയിടങ്ങളില്‍ വ്യാപിക്കുന്നതായി റിപ്പോർട്ട്

ഈ വിര യഥാർത്ഥത്തിൽ കിഴക്കൻ ഏഷ്യയിൽ നിന്ന് ഉത്ഭവിച്ചതാണ്. ഇണയില്ലാതെ വിരകൾക്ക് പുനരുൽപ്പാദിപ്പിക്കാൻ കഴിയും. കാടുകളിലും കമ്പോസ്റ്റ് കൂമ്പാരങ്ങളിലും വീട്ടുമുറ്റങ്ങളിലും സാധാരണയായി കാണപ്പെടുന്ന ഈ വിര അപകടകാരികളാണെന്നാണ് ​​ഗവേഷകർ പറയുന്നത്. 

'jumping worms' എന്ന മണ്ണിര യുഎസിൽ വിവിധയിടങ്ങളിൽ വ്യാപിക്കുന്നതായി റിപ്പോർട്ടുകൾ. ഈ വിരയ്ക്ക് ആറ് ഇഞ്ച് വരെ വേഗത്തിൽ വളരാനും ജൈവവസ്തുക്കൾ വളരെ വേഗത്തിൽ വിഴുങ്ങാനും കഴിയുമെന്ന് കോർണെൽ യൂണിവേഴ്സിറ്റി വ്യക്തമാക്കുന്നു. ഇത് ചെടികളും പൂക്കളും നശിപിക്കുന്നതായി പ്രദേശവാസികൾ പറയുന്നു.

ഈ വിര ചെടികളും പൂക്കളും നശിപ്പിക്കുന്നതായി പ്രദേശവാസികൾ പറയുന്നു. ഇണയില്ലാതെ വിരകൾക്ക് പുനരുൽപ്പാദിപ്പിക്കാൻ കഴിയും. കാടുകളിലും കമ്പോസ്റ്റ് കൂമ്പാരങ്ങളിലും വീട്ടുമുറ്റങ്ങളിലും സാധാരണയായി കാണപ്പെടുന്ന ഈ വിര അപകടകാരികളാണെന്നാണ് ​​ഗവേഷകർ പറയുന്നത്. ചെടിച്ചട്ടികൾ, ചവിട്ടികൾ, ഷൂസ് തുടങ്ങിയ സ്ഥലങ്ങളിൽ ഈ പുഴുക്കൾ ഒളിക്കുന്നതായി കണ്ട് വരുന്നു. 

പാമ്പിനെപ്പോലെ നീങ്ങുകയും ചിലപ്പോൾ ചാടുന്നതായി തോന്നുകയും ചെയ്യുന്നു. മണ്ണിന്റെ മുകൾത്തട്ടിൽ മാന്തികുഴിയുണ്ടാക്കുമ്പോൾ പുഴുക്കൾ ചുറ്റിത്തിരിയുന്നതും കാണാം. ശരീരത്തിന് ചുറ്റും വെളുത്ത വരയുള്ള നീളമുള്ള മണ്ണിരകളെ നോക്കിയാൽ ഇവയെ എളുപ്പത്തിൽ തിരിച്ചറിയാം. ആക്രമണാത്മക സ്വഭാവമുള്ളതിനാൽ ഇവയെ പൂന്തോട്ടപരിപാലനത്തിന് ഉപയോഗിക്കരുതെന്ന് അധികൃതർ പറയുന്നു.