ഡിജിറ്റൽ ലാവെൻഡർ മുതൽ മിൽക്കി ജെല്ലി വരെ; 2026 ഭരിക്കാൻ പോകുന്ന നെയിൽ ട്രെൻഡുകൾ ഇതാ

​പഴയ മടുപ്പിക്കുന്ന നെയിൽ പോളിഷ് ഷേഡുകളോട് വിടപറയാൻ സമയമായി. 2026-ൽ നെയിൽ കളർ ട്രെൻഡ് സ്ക്രീനിൽ തിളങ്ങുന്ന 'ഡിജിറ്റൽ ലാവെൻഡർ' മുതൽ ലോഹം ഉരുക്കിയൊഴിച്ച മെറ്റാലിക് ഷേഡുകൾ വരെ നീളുന്നു.. ഈ പട്ടിക നിങ്ങളുടെ ലുക്ക് പാടേ മാറ്റിവരയ്ക്കും. 

വെറുമൊരു നെയിൽ പോളിഷ് ഇടുന്ന കാലം കഴിഞ്ഞു. 2026-ൽ നഖങ്ങൾ എന്നത് നിങ്ങളുടെ പേഴ്സണാലിറ്റിയുടെയും നിങ്ങളുടെ 'ഡിജിറ്റൽ ഐഡന്റിറ്റി'യുടെയും ഭാഗമാണ്. വോഗ് മാഗസിൻ പുറത്തുവിട്ട പുതിയ ട്രെൻഡുകൾ പരിശോധിക്കുമ്പോൾ, നഖങ്ങളിൽ വലിയൊരു വിപ്ലവം തന്നെ സംഭവിക്കാൻ പോകുന്നു എന്ന് വേണം പറയാൻ. പഴയ ബോറിങ് നിറങ്ങളോട് വിടപറയാം; ഇതാ 2026-ലെ ആ 'മെയിൻ ക്യാരക്ടർ' ട്രെൻഡുകൾ....

1. ഡിജിറ്റൽ ലാവെൻഡർ

ഈ വർഷത്തെ ഏറ്റവും പ്രധാനപ്പെട്ട നിറമാണിത്. ഇത് വെറുമൊരു നിറമല്ല, മറിച്ച് മനസ്സിന് ശാന്തത നൽകുന്ന ഒരു 'ഹീലിംഗ്' ഷേഡ് ആണ്. വെർച്വൽ ലോകത്തെയും യഥാർത്ഥ ലോകത്തെയും ബന്ധിപ്പിക്കുന്ന ഒന്നായി ഇതിനെ കാണുന്നു. ഏത് ചർമ്മക്കാർക്കും ഇണങ്ങുന്ന ഈ നിറം നഖങ്ങൾക്ക് ഒരു ആധുനിക ലുക്ക് നൽകുന്നു.

2. ലിക്വിഡ് മെറ്റൽ & ക്രോം 2.0

2024-ൽ നമ്മൾ കണ്ട ക്രോം നെയിൽസിന്റെ ഒരു അഡ്വാൻസ്ഡ് വേർഷനാണിത്. നഖങ്ങളിൽ വെള്ളി ഉരുക്കി ഒഴിച്ചത് പോലെ തോന്നിപ്പിക്കുന്ന 'ലിക്വിഡ് മെറ്റൽ' ഫിനിഷ്. ഇത് പഴയ സ്പാർക്കിൾ ഗ്ലിറ്ററുകൾ പോലെയല്ല. കണ്ണാടി പോലെ തിളങ്ങുന്ന, വഴുക്കലമുള്ള ഒരു ഫീൽ ഇതിനുണ്ടാകും. 3D എഫക്റ്റ് നൽകുന്ന 'മെറ്റാലിക് ഡ്രോപ്‌സ്' ഇതിന്റെ കൂടെ ചേർക്കുന്നത് 2026-ലെ വൻ ട്രെൻഡായിരിക്കും.

3. മോസ് ഗ്രീൻ & ടെറാക്കോട്ട

'Cottagecore' വൈബ് ഇഷ്ടപ്പെടുന്നവർക്കായി പ്രകൃതിയുമായി ചേർന്നുനിൽക്കുന്ന നിറങ്ങൾ തിരിച്ചെത്തുന്നു. പച്ചപ്പായലിന്റെ നിറമുള്ള 'മോസ് ഗ്രീൻ', മൺപാത്രങ്ങളുടെ നിറമുള്ള 'ടെറാക്കോട്ട' എന്നിവയാണ് പ്രധാനികൾ. വെറും പ്ലെയിൻ കളറിന് പകരം നഖങ്ങളിൽ ചെറിയ കല്ലുകളോ മണൽത്തരികൾ പോലെയുള്ള ടെക്സ്ചറുകളോ വോഗ് നിർദ്ദേശിക്കുന്നു. ഇത് നിങ്ങളുടെ ലുക്കിന് ഒരു 'എർത്ത്ലി' ഫീൽ നൽകും.

4. മിൽക്കി ജെല്ലി & സ്ലീപ്പ് നെയിൽസ്

അമിതമായ നിറങ്ങൾ ഇഷ്ടപ്പെടാത്തവർക്കായി 'ജെല്ലി നെയിൽസ്' വരുന്നു. നഖം പൂർണ്ണമായി മറയ്ക്കാത്ത, അല്പം സുതാര്യമായ വെള്ളയോ പിങ്കോ നിറങ്ങളാണിത്. ഇതിനെ 'Your Nails But Better' എന്നാണ് വോഗ് വിശേഷിപ്പിക്കുന്നത്. നഖത്തിന്റെ സ്വാഭാവിക നിറം നിലനിർത്തിക്കൊണ്ട് അതിന് മുകളിൽ ഒരു തിളക്കം മാത്രം നൽകുന്ന ഈ ശൈലി കോളേജിലും ഓഫീസിലും ഒരുപോലെ ഇണങ്ങും

5. 3D ആർട്ട് & ബയോ-ഫിക്സേഷൻ

നഖങ്ങളിൽ ഇനി വെറും പെയിന്റിംഗ് മാത്രമല്ല, ശില്പവേലകളും വരും. ചെറിയ നാരുകൾ, ജെൽ ഉപയോഗിച്ച് ഉണ്ടാക്കുന്ന കുമിളകൾ, പൂക്കളുടെ ഇതളുകൾ എന്നിവ നഖത്തിൽ പതിപ്പിക്കുന്ന രീതിയാണിത്. ഇത് ആർട്ടിഫിഷ്യൽ ഇന്റലിജൻസും പ്രകൃതിയും തമ്മിലുള്ള ഒരു ലയനമാണ്. ഓരോ നഖവും ഓരോ ആർട്ട് പീസ് പോലെ തോന്നിപ്പിക്കും.

6. കാറ്റ്-ഐ & വെൽവെറ്റ് ഇഫക്റ്റ്

കാന്തം ഉപയോഗിച്ച് നെയിൽ പോളിഷിലെ മെറ്റാലിക് തരികളെ മാറ്റം വരുത്തുന്ന രീതിയാണിത്. നഖം അനക്കുമ്പോൾ നിറം മാറുന്നത് കാണാൻ നല്ല രസമാണ്. ഇത് നഖങ്ങൾക്ക് ഒരു 'വെൽവെറ്റ്' തുണിയുടെ മൃദുത്വം തോന്നിക്കുന്നു.

2026-ൽ ശ്രദ്ധിക്കേണ്ട ചില 'നെയിൽ റൂൾസ്'

• ആരോഗ്യമാണ് സൗന്ദര്യം : വെറുതെ കെമിക്കലുകൾ വാരിപ്പൂശുന്ന കാലം കഴിഞ്ഞു. നഖങ്ങളെ ശക്തിപ്പെടുത്തുന്ന 'കെരാറ്റിൻ' അടങ്ങിയ പോളിഷുകൾക്കാണ് 2026-ൽ പ്രാധാന്യം. നഖത്തിന്റെ ആരോഗ്യത്തിന് കോട്ടം തട്ടാത്ത രീതിയിലുള്ള മാനിക്യൂറുകൾ തിരഞ്ഞെടുക്കുക.
• സ്ക്വയർ-ഓവൽ ഷേപ്പ് : വളരെ നീളമുള്ള കൂർത്ത നഖങ്ങളേക്കാൾ, പ്രകൃതിദത്തമായ നീളമുള്ളതും അറ്റങ്ങൾ അല്പം ഉരുണ്ടതുമായ നഖങ്ങളാണ് ഈ വർഷത്തെ ഹോട്ട് ഫേവറിറ്റ്.
• മിക്സ് ആൻഡ് മാച്ച്: എല്ലാ നഖങ്ങളിലും ഒരേ നിറം ഇടുന്നതിന് പകരം ഓരോ വിരലിലും വ്യത്യസ്ത ഷേഡുകൾ പരീക്ഷിക്കുന്ന 'ഗ്രേഡിയന്റ്' ശൈലി ജെൻ സികൾക്കിടയിൽ വലിയ തരംഗമാകും.