Happy promise day 2026: ഞാൻ പ്രോമിസ് ചെയ്യുന്നു, നിന്നോടൊപ്പം ഒരു നിഴലുപോലെ എന്നും കൂടെയുണ്ടാകും; നൽകൂ പ്രിയപ്പെട്ടവർക്കൊരു പ്രോമിസ്

എല്ലാ വർഷവും ഫെബ്രുവരി 11ന് ആഗോളതലത്തിൽ ഇത് ആഘോഷിക്കപ്പെടുന്നു. വാലന്റൈൻസ് വീക്കിലെ വളരെ പ്രധാനപ്പെട്ട ദിവസം കൂടിയാണിത്.

വാലന്റൈൻസ് വീക്കിലെ അഞ്ചാമത്തെ ദിവസമായ പ്രോമിസ് ഡേ, റോസ്, പ്രൊപ്പോസ്, ചോക്ലേറ്റ്, ടെഡി ഡേ എന്നിവയ്ക്ക് ശേഷമാണ് വരുന്നത്. എല്ലാ വർഷവും ഫെബ്രുവരി 11ന് ആഗോളതലത്തിൽ ഇത് ആഘോഷിക്കപ്പെടുന്നു. വാലന്റൈൻസ് വീക്കിലെ വളരെ പ്രധാനപ്പെട്ട ദിവസം കൂടിയാണിത്. ഈ ദിനത്തിൽ പ്രിയപ്പെട്ടവരോടുള്ള സ്നേഹവും അതിനെ കൂടുതൽ ഊട്ടിയുറപ്പിക്കുന്നതിനും പ്രോമിസ് ഡേ ഒരു അവസരമൊരുക്കുന്നു. ഒരിക്കലും പിരിയില്ലെന്നും വഞ്ചിക്കില്ലെന്നും പരസ്പരം അവർ വാക്കുനൽകുന്നു. ഈ പ്രോമിസ് ദിനത്തിൽ നിങ്ങളുടെ പ്രിയപ്പെട്ടവർക്കായി സ്നേഹം നിറഞ്ഞ സന്ദേശങ്ങൾ അറിയിക്കാം.

1. എല്ലാ സന്തോഷത്തിലും വെല്ലുവിളിയിലും ഞാൻ നിന്നോടൊപ്പം നിൽക്കുമെന്ന് വാഗ്ദാനം ചെയ്യുന്നു. പ്രോമിസ് ഡേ ആശംസകൾ.

2. ഈ വർഷത്തെ പ്രോമിസ് ഡേ എനിക്ക് വളരെ ഭാഗ്യകരമായ ഒരു ദിവസമാണ്. എല്ലാ ദിവസവും ഞാൻ നിന്നെ സ്നേഹിക്കുമെന്നും, നിന്നെ വളരെയധികം പരിപാലിക്കുമെന്നും, എപ്പോഴും നിന്റെ അരികിലുണ്ടാകുമെന്നും വാഗ്ദാനം ചെയ്യാൻ ഞാൻ ഇവിടെയുണ്ട്. പ്രോമിസ് ഡേ ആശംസകൾ.

3. സ്നേഹം ഹൃദയം സംസാരിക്കുന്ന ഒരു ഭാഷയാണ്, കടലാസിൽ എഴുതുന്നതല്ല. എന്റെ മുഴുവൻ സ്നേഹവും ഞാൻ നിനക്കായി നൽകുന്നുവെന്ന് ഈ ദിവസം പ്രതിജ്ഞയെടുക്കുന്നു.

4. നിന്നെ അനന്തമായി സ്നേഹിക്കുമെന്ന് ഞാൻ വാക്ക് തരുന്നു. നീ എന്റെ ലോകമാണ്. പ്രോമിസ് ഡേ ആശംസകൾ.

5. ഈ വാഗ്ദാന ദിനത്തിൽ, നിന്റെ സന്തോഷകരമായ ദിവസങ്ങളിലും, പ്രയാസകരമായ സമയങ്ങളിലും ഞാൻ നിന്നോടൊപ്പം ഉണ്ടായിരിക്കുമെന്ന് പ്രോമിസ് ചെയ്യുന്നു.

6. മരണം കൊണ്ടല്ലാതെ നിന്റെ ജീവിതത്തില്‍ നിന്നും ഞാന്‍ ഒരിക്കലും പോകില്ല. നിന്റെ സുഖത്തിലും ദുഃഖത്തിലുമെല്ലാം ഞാന്‍ നിന്നോടൊപ്പമുണ്ടാകും.

7. നിന്നെ കണ്ടുമുട്ടിയത് എന്റെ ജീവിതത്തിലെ അനുഗ്രഹമായാണ് എനിക്ക് തോന്നുന്നത്, ഇന്ന് നീയില്ലാതെ എനിക്ക് പറ്റില്ല. എന്റെ ശ്വാസമായും ജീവനായുമെല്ലാം എന്നെന്നും നീ വേണം കൂടെ.