17കാരിയെ ബലാത്സംഗം ചെയ്ത കേസില് 18കാരന് മലപ്പുറത്ത് അറസ്റ്റില്
Synopsis
പ്രൊജക്ട് ആവശ്യാര്ത്ഥം എത്തിയ പ്രതി അപമാനിച്ചതായി പെണ്കുട്ടി കൊട്ടാരക്കര പൊലീസില് പരാതി നല്കിയിരുന്നു
മലപ്പുറം: പോത്തുകല്ലില് അംഗന്വാടി ഡെവലപ്മെന്റ് പ്രൊജക്ടിനെത്തിയ 17കാരിയെ ലൈംഗികമായി അപമാനിച്ചെന്ന കേസില് 18കാരനെ റിമാന്ഡ് ചെയ്തു. മലപ്പുറം പുളിക്കല് വലിയപറമ്പ് നീട്ടിച്ചാലില് മുഹമ്മദ് സഫ്വാന് (18)നെയാണ് ജഡ്ജി കെ ജെ ആര്ബി റിമാന്റ് ചെയ്ത് മഞ്ചേരി സബ് ജയിലിലേക്കയച്ചത്. 2022 ഫെബ്രുവരി 14ന് പുലര്ച്ചെ അഞ്ചു മണിക്കാണ് സംഭവം.
പ്രൊജക്ട് ആവശ്യാര്ത്ഥം എത്തിയ പ്രതി അപമാനിച്ചതായി പെണ്കുട്ടി കൊട്ടാരക്കര പൊലീസില് പരാതി നല്കിയിരുന്നു. മെയ് നാലിന് കൊട്ടാരക്കര പൊലീസ് രജിസ്റ്റര് ചെയ്ത കേസ് പിന്നീട് പോത്തുകല് പൊലീസിന് കൈമാറുകയായിരുന്നു.
ജൂണ് 20ന് പിതാവിനും അമ്മാവനുമൊപ്പം സ്റ്റേഷനില് ഹാജരായ യുവാവിനെ പൊലീസ് അറസ്റ്റ് ചെയ്യുകയായിരുന്നു. പോത്തുകല്ല് എസ് ഐ വിസി ജോണ്സണ് ആണ് കേസ് അന്വേഷിക്കുന്നത്. പെണ്കുട്ടിയുടെ പരാതിയെ തുടര്ന്നാണ് 18കാരനെ കോടതി റിമാന്ഡ് ചെയ്തത്. പോക്സോ സ്പെഷ്യല് കോടതി ജൂലൈ നാല് വരെയാണ് 18കാരനെ റിമാന്റ് ചെയ്തത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam